Real Madrid ប្រកាស​ពី​ការ​ចុះ​ហត្ថលេខា​លើ​ខ្សែ​ប្រយុទ្ធ​កណ្ដាល Joselu

កាល​ពី​ម្សិលមិញ​នេះ ក្លឹប​អធិរាជស Real Madrid បាន​បញ្ជាក់​ជា​ផ្លូវការណ៍​ពី​ការ​ចុះ​ហត្ថលេខា​លើ Joselu ក្នុង​លក្ខខណ្ឌ​ខ្ចី​ជើង​ពី Espanyol ពេញ​មួយ​រដូវកាល 2023-2024។ កីឡាករ​វ័យ 33 ឆ្នាំ​រូប​នេះ បាន​បង្ហាញ​ខ្លួន​យ៉ាង​លេចធ្លោរ​គួរ​ឲ្យ​ចាប់​អារម្មណ៍ កាល​ពី​រដូវកាល​មុន ដោយ​ស៊ុត​បញ្ចូលទី​បាន 16 គ្រាប់ ក្នុង​ការ​ប្រកួត La Liga ចំនួន 33 ប្រកួត។

បើ​ទោះ​បី​ជា Espanyol បញ្ចប់​ក្នុង​ចំណាត់​ថ្នាក់​លេខ 19 នៅ​ក្នុង​លីគ​កំពូល​អេស្ប៉ាញ និង​ត្រូវ​កាត់​ចេញ​ពី La Liga ក៏​ដោយ Joselu នៅ​តែ​ត្រូវ​បាន​គេ​មើល​ឃើញ​ពី​ភាព​លេចធ្លោរ​របស់​គាត់ និង​ជា​ពិសេស​ទទួល​បាន​ការ​ជាប់​ចិត្ត​ពី Real Madrid។ តាម​ពិត​ទៅ កីឡាករ​រូប​នេះ​​ក៏​ធ្លាប់​ជា​អតីត​យុវជន Real Madrid Castilla ក្នុង​ឆ្នាំ 2010 ពេល​គាត់​​អាយុ 20 ឆ្នាំ​ដែរ។

ខ្សែប្រយុទ្ធ​រូបនេះ​បាន​ចូល​រួម​ជាមួយ Real Madrid ក្នុង​លក្ខខ័ណ្ឌ​ខ្ចី​ជើង​ជាមួយ​នឹង​តម្លៃ 500,000 អឺរ៉ូ (426,000 ផោន) ជាមួយ​នឹង​ជម្រើស​ដើម្បីទិញ​ផ្ដាច់​កុងត្រា​នៅ​រដូវកាល​ក្រោយ​ក្នុង​តម្លៃ 1.5 លាន​អឺរ៉ូ (1.3 លានផោន)។ ដូចគ្នា​នេះ​ដែរ កាល​ពី​រំលង​អាធ្រាត​យប់មិញ​​នេះ Joselu ទើប​នឹង​បាន​ឈ្នះពាន UEFA Nations League ជាមួយ​ក្រុម​ជម្រើស​ជាតិ​អេស្ប៉ាញ​របស់​គាត់​ផង​ដែរ។

ប្រភព: Sportsmole