Man City ប្រាប់​មូលហេតុ​នៅ​ពី​ក្រោយ​ការ​ចុះ​ហត្ថលេខា​លើ Kovacic

នាយក​គ្រប់គ្រង​ផ្នែក​កីឡា​បាល់ទាត់​របស់​ក្លឹប​មេឃខៀវ Manchester City លោក Txiki Begiristain បាន​ប្រាប់​ហេតុផល​ទាក់​ទង​នឹង​ការ​សម្រេច​ចិត្ត​របស់​ពួក​គេ ក្នុង​ការ​ចុះហត្ថលេខា​លើ Mateo Kovacic ពី​តោខៀវ Chelsea។ យ៉ាង​ណា Kovacic ត្រូវ​បាន​ក្លឹប​ម្ចាស់​ជើង​ឯក​នៅ Premier League ប្រកាស​ពី​ការ​ផ្ទេរ​ជា​ផ្លូវការណ៍​កាល​ពី​ម្សិលមិញ​នេះ។

គ្រូបង្វឹក​របស់​ក្លឹប Man City លោក Pep Guardiola ត្រូវ​បាន​គេ​មើល​ឃើញ​ថា មាន​បំណង​ចង់​ពង្រឹង​តំបន់​ខ្សែបម្រើ​របស់​គាត់ បន្ទាប់​ពី​ពួកគេ​បាន​ខកខាន​មិន​អាច​ចុះ​ហត្ថលេខា​លើ Jude Bellingham។ លើស​ពី​នេះ​ទៅ​ទៀត​កាពីតែន Ilkay Gundogan ក៏​បាន​បញ្ចប់​ការ​ផ្ទេរ​ដោយ​គ្មាន​តម្លៃ​ខ្លួន​ទៅ Barcelona ផងដែរ។

ពាក់ព័ន្ធ​នឹង​ការ​ចុះ​ហត្ថលេខា​លើ​ខ្សែបម្រើ​សញ្ជាតិ​ក្រូអាត​នេះ​ដែរ Txiki Begiristain បាន​និយាយ​ដោយ​លាត​ត្រដាង​ការពិត​ថា៖ “Kovacic មាន​បទ​ពិសោធន៍​ច្រើន​នៅ​ក្លឹប​កម្រិត​កំពូល ហើយ​គាត់​យល់​ពី​បាល់ទាត់​នៅ Premier League។ វា​គឺ​ជា​ការ​សម្រេច​ចិត្ត​ដ៏​សាមញ្ញ​មួយ​ក្នុង​ការ​ផ្ទេរ​គាត់​មក Man City ពី​ព្រោះ​គាត់​ជា​ខ្សែបម្រើ​ដែល​​មាន​បច្ចេកទេស និង​ជំនាញ​ដែល​យើង​កំពុង​ស្វែងរក”។

ប្រភព: Dailypost NG