បាល់ទាត់អន្តរជាតិ
បិសាចក្រហមចង់បានយ៉ាងតិច 50 លានផោន ពីក្លឹបដែលចង់ទិញយក Harry Maguire
ក្លឹបបិសាចក្រហម Manchester United ត្រូវបានគេរាយការណ៍ថា បានត្រៀមខ្លួនរួចជាស្រេចក្នុងការលក់ខ្សែការពារកណ្ដាលរបស់ខ្លួន ជាមួយនឹងតម្លៃ 50 លានផោន ដែលនេះជាតម្លៃខ្លួនរបស់កាពីតែនក្រុម Harry Maguire នៅរដូវក្តៅនេះ។ ស្ថានភាពបច្ចុប្បន្ន ខ្សែការពារអង់គ្លេសរូបនេះ ស្ទើរតែលែងក្លាយជាផ្នែកមួយរបស់ក្លឹបបិសាចក្រហមទៅហើយ ស្របពេលដែលអ្នកគាំទ្រជាច្រើនក៏មិនពេញចិត្តនឹងទម្រង់លេងរបស់គាត់ផងដែរ។
ចាប់តាំងពីក្លឹបបិសាចក្រហម Manchester United បានចាញ់ក្រោមស្នាដៃរបស់ក្លឹប Brentford និង Brighton ក្នុងការប្រកួត Premier League នៅរដូវកាលឆ្នាំ 2022-2023 ខ្សែការពារ Harry Maguire បានបាត់បង់តំណែងលេងស្ទើរតែទាំងស្រុងទៅហើយ ដោយគ្រូបង្វឹកបានរៀបចំប្រព័ន្ធខ្សែការពារថ្មី ដែលល្អប្រសើរជាងពីមុន។ ជាលទ្ធផលកីឡាករចំណូលថ្មី Lisandro Martinez បានសម្របខ្លួនយ៉ាងរហ័សជាមួយនឹងការចាប់ដៃគូគ្នាជាមួយ Raphael Varane។
ថ្វីត្បិតតែអ្នកគាំទ្រមិនពេញចិត្ត និងទាមទារឲ្យលក់ Harry Maguire ចេញក៏ដោយ គាត់នៅមានកុងត្រារយៈពេល 2 ឆ្នាំទៀតនៅ Old Trafford ហើយថ្មីៗនេះកាសែត Manchester Evening News បានអះអាងថា បិសាចក្រហមបានទម្លាក់តម្លៃ 50 លានផោន ដែលជាតម្លៃនៃការលក់ខ្សែការពារសញ្ជាតិអង់គ្លេសរូបនេះ ខណៈដែលតម្លៃដែលបិសាចក្រហមបានទិញគាត់ពី Leicester City រហូតដល់ 80 លានផោន។
ប្រភព: Sportsmole
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
