បាល់ទាត់អន្តរជាតិ

ផ្លូវការណ៍៖ Arsenal ប្រកាសពីការចុះហត្ថលេខាលើខ្សែការពារ Jurrien Timber

Published

10 months ago

July 15, 2023

Lee Lee

កាលពីម្សិលមិញនេះក្លឹបកាំភ្លើងធំ Arsenal បានប្រកាសបញ្ជាក់ជាផ្លូវការណ៍ពីការចុះហត្ថលេខាលើខ្សែការពារសញ្ជាតិហូឡង់ Jurrien Timber ដោយផ្ទេរពីក្លឹប AFC Ajax។ កីឡាករវ័យ 22 ឆ្នាំរូបនេះបានចូលរួមជាមួយ Arsenal ក្នុងកុងត្រារយៈពេល 5 ឆ្នាំ ដែលមានសុពលភាពរហូតដល់ឆ្នាំ 2028។

យ៉ាងណាមិញ ក្លឹបកាំភ្លើងធំ Arsenal ត្រូវបានគេជឿថា បានចំណាយប្រាក់ដំបូងឲ្យ Ajax លើការផ្ទេរ Jurrien Timber ប្រហែលជា 34.2 លានផោន ហើយអាចឡើងដល់ 38.5 លានផោនជាមួយនឹងប្រាក់រង្វាន់បន្ថែមទៀត អាស្រ័យលើលក្ខខណ្ឌដែលក្លឹបទាំងពីរបានឯកភាពជាមួយគ្នា។

Jurrien Timber បានក្លាយជាកីឡាករចំណូលថ្មីទី 2 របស់ Arsenal នៅរដូវក្តៅនេះ បន្ទាប់ពីខ្សែបម្រើប្រយុទ្ធ Kai Havertz ដែលផ្ទេរពី Chelsea។ ខ្សែការពារវ័យ 22 ដែលមានជំនាញជើងស្ដាំរូបនេះ ត្រូវបានគេរំពឹងថា នឹងក្លាយជាផ្នែកមួយដ៏សំខាន់នៃក្រុមរបស់លោក Mikel Arteta សម្រាប់ដំណើរផ្សងព្រេងលើកពានលីគ និងពានធំៗផ្សេងទៀតនៅរដូវកាលថ្មីខាងមុខ។