បាល់ទាត់អន្តរជាតិ
Jurrien Timber វិលត្រឡប់ចូលទីលានវិញ មុនការប្រកួត UCL ទល់នឹង FC Porto
ក្លឹបកាំភ្លើងធំ Arsenal បានដាក់បញ្ចូលឈ្មោះ Jurrien Timber ទៅក្នុងក្រុមរបស់ពួកគេសម្រាប់ការត្រៀមប្រកួត UEFA Champions League នៃវគ្គ 16 ក្រុមចុងក្រោយរបស់ពួកគេដែលត្រូវជួបតទល់ជាមួយនឹងក្រុមខ្លាំងមកពីព័រទុយហ្គាល់ FC Porto នៅចុងខែនេះ។
ខ្សែការពារវ័យ 22 ឆ្នាំរូបនេះ ទើបនឹងបានចូលរួមជាមួយក្លឹបកាំភ្លើងធំ Arsenal ដោយផ្ទេរពី Ajax ក្នុងតម្លៃ 38 លានផោនកាលពីដើមរដូវកាលកន្លងទៅ ហើយគាត់ជាកីឡាករដែលមានកុងត្រារយៈពេលវែងមួយរូបរបស់ក្លឹប ដោយសុពលភាពនៃកុងត្រាគឺរហូតដល់ខែមិថុនា ឆ្នាំ 2028។
ទោះបីជាយ៉ាងណាក៏ដោយ ខ្សែការពារឆ្នើមសញ្ជាតិហូឡង់ Jurrien Timber បានរងរបួសធ្ងន់ធ្ងរពាក់ព័ន្ធនឹង ACL ក្នុងការប្រកួត Premier League ជាលើកដំបូងរបស់គាត់ កាលពីខែសីហា ឆ្នាំមុន ហើយចាប់តាំងពីពេលនោះមក គាត់បានចំណាយពេលវេលាដ៏យូរនៅក្រៅទីលានដើម្បីហ្វឹកហាត់កាយសម្បទារឲ្យល្អប្រសើរឡើងវិញ បន្ទាប់ពីវះកាត់រួចរាល់។
យ៉ាងណាក៏ដោយ Arsenal បានបង្ហាញថា ខ្សែការពារស្លាបរបស់ពួកគេ Jurrien Timber អាចត្រឡប់មកទីលានវិញបានហើយ ខណៈដែលគេក៏បានបញ្ចូលឈ្មោះខ្សែការពាររូបនេះ នៅក្នុងក្រុមរបស់ខ្លួនសម្រាប់ត្រៀមប្រកួតក្របខ័ណ្ឌ UEFA Champions League នាពេលខាងមុខផងដែរ។
ប្រភព: Sportsmole
-
បាល់ទាត់អន្តរជាតិ3 days ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ1 day ago
គ្រូ PSG ប្រាប់ឲ្យក្លឹបរបស់ខ្លួនបន្តកុងត្រាថ្មីបន្ថែមទៀតដល់ Vitinha
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!