បាល់ទាត់អន្តរជាតិ
Kyle Walker ត្រៀមចាកចេញទៅចូលរួមជាមួយ Bayern Munich
ខ្សែការពារ Kyle Walker របស់ក្លឹបមេឃខៀវ Manchester City ត្រូវបានគេរាយការណ៍ថា នឹងចុះកិច្ចព្រមព្រៀងជាមួយ Bayern Munich ដើម្បីផ្ទេរទៅកាន់ Allianz Arena ក្នុងអំឡុងពេលទីផ្សារដោះដូរកីឡាកររដូវក្តៅនេះ។ មួយរយៈចុងក្រោយនេះ អនាគតរបស់កីឡាករវ័យ 33 ឆ្នាំសញ្ជាតិអង់គ្លេសរូបនេះបានក្លាយជាប្រធានបទនៃការជជែកវែកញែកជាច្រើន ហើយ Bayern Munich នឹងនាំយកគាត់ទៅទឹកដីអាឡឺម៉ង់មុនយុទ្ធនាការរដូវកាល 2023-2024។
យ៉ាងណាមិញខ្សែការពារស្ដាំ Kyle Walker នៅកុងត្រារបស់ខ្លួនត្រឹមតែរយៈពេល 12 ខែទៀតប៉ុណ្ណោះ ជាមួយក្លឹបបច្ចុប្បន្ន Manchester City។ ក្លឹបម្ចាស់ជើងឯករបស់អង់គ្លេសនៅតែចង់ចុះហត្ថលេខាលើគាត់ជាមួយនឹងកុងត្រាថ្មី ខណៈដែល Kyle Walker នៅតែចាត់ទុកជាកីឡាករសំខាន់របស់គ្រូបង្វឹកលោក Pep Guardiola។
ទោះបីជាយ៉ាងណាក៏ដោយ លោក Thomas Tuchel ដែលជាគ្រូបង្វឹករបស់ Bayern Munich ត្រូវបានគេគិតថា បានកំណត់គោលដៅលើខ្សែការពារស្តាំរូបនេះ ដើម្បីមកពង្រឹងសមត្ថភាពក្រុមបន្ថែមទៀតសម្រាប់ការប្រកួតប្រជែងក្នុងក្របខ័ណ្ឌ UEFA Champions League។ ទន្ទឹមនឹងនេះដែរ យោងតាមកាសែត The Athletic បានឲ្យដឹងថា ពេលនេះ Kyle Walker បានព្រមព្រៀងផ្ទាល់មាត់ជាមួយក្លឹបយក្ស Bayern Munich ហើយ ជុំវិញការផ្ទេរដែលអាចនឹងកើតឡើងនាពេលឆាប់ៗខាងមុខ។
ប្រភព: Sportsmole
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
