បាល់ទាត់អន្តរជាតិ
Arsenal ត្រៀមដាក់ដេញថ្លៃជាលើកទីពីរលើ Jurrien Timber
ក្លឹបកាំភ្លើងធំ Arsenal ត្រូវបានគេរាយការណ៍ថា កំពុងរៀបចំដាក់សំណើរដេញថ្លៃជាលើកទីពីរ សម្រាប់ការផ្ទេរ Jurrien Timber របស់ក្លឹប AFC Ajax។ លោក Mikel Arteta ដែលជាគ្រូបង្វឹករបស់ក្លឹប កំពុងសម្លឹងមើលការរៀបចំក្រុមឲ្យកាន់តែប្រសើរឡើងជាងរដូវកាលមុន ខណៈដែលពួកគេត្រៀមប្រជែងពានក្នុងស្រុក និងការវិលត្រឡប់មកកាន់ក្របខ័ណ្ឌ UEFA Champions League វិញ នៅរដូវកាលក្រោយ។
Mikel Arteta ហាក់ដូចជាកំណត់យកតំបន់ការពារកណ្តាល ជាតំបន់ដែលត្រូវការការពង្រឹងបន្ថែម នៅកំឡុងទីផ្សារដោះដូរកីឡាកររដូវក្តៅនេះ។ ក្លឹបកាំភ្លើងធំបានប្រើប្រាស់ Gabriel Magalhaes និង William Saliba ជាដៃគូខ្សែការពារកណ្តាលនៃជម្រើសដំបូងរបស់ពួកគេ កាលពីរដូវកាលមុន ប៉ុន្តែបទពិសោធន៍ជូរចត់មួយបានកើតឡើង ដោយគេបានលេងដោយគ្មានវត្តមានរបស់ William Saliba ព្រោះខ្សែការពារសញ្ជាតិបារាំងរូបនេះ បានរងរបួសរហូតដល់ចប់រដូវកាល។
ទន្ទឹមនឹងនេះដែរ គ្រូបង្វឹករបស់ក្លឹបកាំភ្លើងធំ Arsenal ត្រូវបានគេដឹងថា ពេញចិត្តជាខ្លាំងនូវសមត្ថភាពរបស់ខ្សែការពារកណ្ដាល Jurrien Timber។ Arsenal បានដាក់ដំណើរផ្តល់ជូនជាលើកដំបូងរបស់ពួកគេទៅកាន់ Ajax ប៉ុន្តែតម្លៃនៃសំណើរនោះទាបជាងអ្វីដែលក្លឹបយក្សហូឡង់មួយនេះចង់បាន ក្នុងរង្វង់ទឹកប្រាក់រហូតដល់ 50 លានផោន។ យោងតាមរបាយការណ៍ពីអ្នកកាសែតលោក Fabrizio Romano បានអះអាងកាលពីពេលថ្មីៗនេះថា ក្លឹបកាំភ្លើងធំ បានកំណត់វេលាជាថ្មីម្ដងទៀត ដើម្បីត្រឡប់ទៅកាន់តុចរចា ក្នុងការផ្ដល់សំណើរថ្មី។ ទោះបីជាបច្ចុប្បន្នមិនច្បាស់ថា Arsenal នឹងផ្តល់ជូនសំណើរប៉ុន្មានក៏ដោយ ប៉ុន្តែពួកគេត្រូវបានគេរំពឹងថា នឹងដាក់សំណើរដេញថ្លៃជាលើកទីពីរនាពេលខាងមុខនេះ ខណៈដែល Jurrien Timber ហាក់ដូចជាបើកចិត្តក្នុងការចង់ចាកចេញទៅ Emirates ផងដែរ។
ប្រភព: Sportsmole
Roberto De Zerbi ស្ថិតក្នុងគោលដៅនៃការចង់បានរបស់ Real Madrid
Victor Osimhen ត្រៀមចាត់វិធានការផ្លូវច្បាប់ ប្ដឹងក្លឹបរបស់ខ្លួន ដែលបង្ហោះវីដេអូឌឺដងគាត់នៅលើ TikTok
បិសាចក្រហម ចាប់អារម្មណ៍ចង់ចុះហត្ថលេខាផ្ទេរ Serge Gnabry
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
Robert Lewandowski ប្រាប់ថា មិនមាននរណាម្នាក់សមនឹងឈ្នះ Ballon d’Or ជាងកីឡាកររូបនេះទេ
-
បាល់ទាត់អន្តរជាតិ2 days agoCristiano Ronaldo៖ ខ្ញុំដឹងថា ហេតុអ្វីបានជា Messi ធ្វើបែបនេះ ប៉ុន្តែខ្ញុំនឹងមិនប្រាប់អ្នកទេ!…
-
បាល់ទាត់អន្តរជាតិ1 day agoReal Madrid ដាក់គោលដៅចង់បានគ្រូបង្វឹករូបនេះ ប្រសិនបើ Carlo Ancelotti ចាកចេញនៅឆ្នាំក្រោយ
-
បាល់ទាត់អន្តរជាតិ2 days agoអតីតកីឡាករឆ្នើម Darren Bent ប្រាប់ឈ្មោះអ្នកដែលសមនឹងឈ្នះ Ballon d’Or ឆ្នាំនេះ រវាង Haaland និង Messi
