បាល់ទាត់អន្តរជាតិ
Xavi មិនចង់បានខ្សែបម្រើថ្មីបន្ថែមទៀតទេ ហើយកំពុងពិចារណាថា តើអ្នកណាខ្លះនឹងត្រូវអង្គុយនៅកៅអីបម្រុង
ខ្សែបម្រើ Oriol Romeu គឺជាកីឡាករចុងក្រោយដែល Barcelona បានផ្ទេរចូលនៅរដូវក្តៅនេះ។ Romeu ជាកីឡាករចំណូលថ្មីដែលផ្ទេរក្នុងតម្លៃ 5 លានអឺរ៉ូប៉ុណ្ណោះ ហើយគាត់ប្រហែលជាមិនមែនជម្រើសដំបូងរបស់ក្លឹបយក្សកាតាឡាន់ឡើយ។ គេដឹងថា Oriol Romeu នឹងមិនទទួលបានទំនុកចិត្តពីគ្រូបង្វឹករបស់ Barcelona លោក Xavi Hernandez នោះទេ។
យោងតាមរបាយការណ៍ El Nacional បានឲ្យដឹងថា ចំណូលចិត្តដំបូងរបស់ Xavi គឺចង់ប្រើប្រាស់ Sergio Busquets ប៉ុន្តែកីឡាករសញ្ជាតិអេស្ប៉ាញរូបនេះបានចាកចេញទៅ Inter Miami។ បន្ទាប់មកទៀត Xavi បានកំណត់គោលដៅផ្ទេរខ្សែបម្រើ Martin Zubimendi របស់ក្លឹប Real Sociedad ប៉ុន្តែកីឡាករវ័យ 24 ឆ្នាំរូបនេះមិនចង់ចាកចេញពីក្លឹបឡើយ។ ក្រោយមកទៀត Xavi បានប្តូរទៅការចង់បានតារាឆ្នើមរបស់ Bayern Munich គឺកីឡាករ Joshua Kimmich ប៉ុន្តែក្លឹបយក្សអាឡឺម៉ង់នឹងមិនលក់កាពីតែនក្រុមរបស់ពួកគេនៅរដូវក្ដៅនេះទេ។
ក្រៅពីនេះ Marcelo Brozovic ក៏ត្រូវបានពិចារណាផងដែរជាមួយនឹងការផ្ទេរដោយគ្មានតម្លៃខ្លួន ប៉ុន្តែកីឡាករសញ្ជាតិក្រូអាតរូបនេះបានយល់ព្រមទៅលេងនៅក្លឹប Al-Nassr របស់ Cristiano Ronaldo។ មិនមានកីឡាករណាដែលគ្រូបង្វឹកលោក Xavi Hernandez ចង់បានទៀតនោះទេ ហើយគាត់កំពុងពិចារណាលើកីឡាករដែលមានស្រាប់។ តាមការសន្និដ្ឋាន គេគិតថា Xavi ទំនងជានឹងប្រើប្រាស់ Frenkie de Jong ជាជម្រើសដំបូង ជាមួយនឹង Ilkay Gundogan ខណៈដែល Gavi និង Pedri ត្រូវផ្លាស់ប្ដូរគ្នាលេងម្ដងម្កាល។ សម្រាប់ Romeu នឹងត្រូវអង្គុយនៅកៅអីបម្រុង។
ប្រភព: Sportskeeda
-
បាល់ទាត់អន្តរជាតិ3 days ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ1 day ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa