Ruben Neves បាន​ស្នើរ​សុំ​ចាកចេញ​ពី Wolves ហើយ ខណៈ​ដែល Barcelona, Man Utd និង Arsenal កំពុង​ទាក់ទង​ចង់​បាន

ខ្សែបម្រើ​ឆ្នើម Ruben Neves បាន​ស្នើ​សុំ​ចាក​ចេញពី​ក្លឹប​បច្ចុប្បន្ន​របស់​ខ្លួន Wolverhampton Wanderers ហើយ​នៅ​ពេល​នេះ (បើ​យោងតាម​របាយការណ៍​ច្បាស់ការណ៍​មួយ​បាន​ចុះ​ផ្សាយ)។

កីឡាករ​សញ្ជាតិ​ព័រទុយហ្គាល់​រូបនេះ បាន​រួម​រស់​នៅ​ជា​មួយ Wolves តាំង​ពីឆ្នាំ 2018 ហើយ​ធ្លាប់​បាន​ក្លឹប​ធំៗ​ជា​ច្រើន​ចាប់​អារម្មណ៍​លើ​ទម្រង់លេង​ដ៏​ល្អ​របស់គាត់​នៅ​ក្នុង​តំណែង​ជា​ខ្សែបម្រើ។ នៅ​រដូវកាល​នេះ Ruben Neves បាន​បង្ហាញ​ខ្លួន​ចំនួន 28 ប្រកួត​នៅ Premier League ដោយ​ស៊ុត​បញ្ចូលទីបាន 4 គ្រាប់ និង​បញ្ជូន​បាល់​ឲ្យ​មិត្ត​រួម​ក្រុម​បាន 2 ដង។

Ruben Neves គាត់​ចង់​ចាកចេញ​ពី​ក្លឹប ក្នុង​ទីផ្សារ​ដោះដូរកីឡាករ​នា​ពេល​ខាង​មុខ អាច​នឹង​មាន​ហេតុផល​គ្រប់​គ្រាន់​បំផុត គឺ​ចង់​ស្វែងរក​ការ​ប្រកួត​ប្រជែង​ថ្មី និង​ក្លឹប​ថ្មី​ដែល​មាន​ឱកាស​ក្នុង​ការ​លេង​ពានធំៗ​បាន។ មាន​ក្លឹប​ជា​ច្រើន​កំពុង​ទាក់ទង​ចង់​បាន Ruben Neves ដូចជា Barcelona, Arsenal, Spurs និង Atletico Madrid។

ដោយ​ឡែក Manchester United ក៏​​ត្រូវ​​បាន​គេ​ភ្ជាប់​ជាមួយ​នឹង​ការ​ផ្ទេរ​កីឡាករ​វ័យ 25 ឆ្នាំ​រូប​នេះ​ផង​ដែរ ដោយមាន​ពាក្យ​ចចាម​អារ៉ាម​ជា​ច្រើន​តាំង​ពី​រដូវ​ក្ដៅ​មុន​មក​ម្ល៉េះ។

ប្រភព: Si