បាល់ទាត់អន្តរជាតិ
Ralf Rangnick បានផ្តល់យោបល់ឲ្យក្លឹប Manchester United ជ្រើសរើសប្រធានក្រុមថ្មីជំនួស Harry Maguire
លោក Ralf Rangnick បានផ្តល់យោបល់ថា ក្លឹបបិសាចក្រហម Manchester United គួរតែពិនិត្យមើល និងផ្លាស់ប្ដូរតំណែងអ្នកកាន់កាប់ស្លាកប្រធានក្រុមថ្មី ជំនួសឲ្យកាពីតែនក្រុមបច្ចុប្បន្ន Harry Maguire ដែលកំពុងជួបការលំបាក និងមានសម្ពាធខ្លាំងក្នុងរដូវកាលនេះ។
យ៉ាងណាមិញខ្សែការពារ Harry Maguire ត្រូវបានរងការរិះគន់យ៉ាងខ្លាំងចំពោះទម្រង់លេងរបស់គាត់ នៅរដូវកាលនេះ ខណៈដែលគាត់ ក៏មានតួនាទីជាកាពីតែនក្រុមផងដែរ។ ទោះបីមានការរិះគន់ជាច្រើនក៏ដោយតែ Harry Maguire ផ្ទាល់ បានឆ្លើយតប និងអះអាងថា គាត់លេងបានល្អហើយ បើមិនដូចនោះទេ គ្រូបង្វឹកមិនដាក់គាត់លេងក្នុងជម្រើស 11 នាក់ស្ទើរតែគ្រប់ការប្រកួតឡើយ។
Harry Maguire ត្រូវបានគេចាត់ទុកថា ជាគ្រោះដ៏ធំមួយរបស់ក្លឹបបិសាចក្រហម ដោយគាត់មិនអាចជួយសង្គ្រោះបាល់ ទល់នឹងគូប្រកួតបាន ហើយមិនតែប៉ុណ្ណោះ ខ្សែការពាររូបនេះបានបង្កឲ្យមិត្តរួមក្រុមរបស់ខ្លួនមានបញ្ហារបួសទៀតផង។ ជាក់ស្ដែងដូចជា Paul Pogba ដែលទើបតែនឹងត្រូវមួយកែងជើងរបស់ Harry Maguire។
ឥឡូវនេះលោក Rangnick បានធ្វើការវាយតម្លៃ និងផ្ដល់យោបល់ដល់ក្លឹប ពាក់ព័ន្ធនឹងខ្សែការពាររូបនេះ កាលពីប៉ុន្មានសប្តាហ៍មុន ដូច្នេះ Maguire អាចនឹងត្រូវបានដកចេញពីតំណែងជាប្រធានក្រុមនៅរដូវកាលក្រោយ។
លោក Rangnick បាននិយាយដោយផ្ទាល់ថា “ខ្ញុំជឿជាក់យ៉ាងមុតមាំថា ប្រធានក្រុមគួរតែត្រូវបានជ្រើសរើសដោយក្រុម ពីព្រោះគាត់ត្រូវបានគេហៅថា កាពីតែន ហើយយើងតែងតែធ្វើបែបនេះ”។
ប្រភព: Sportbible
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
