បាល់ទាត់អន្តរជាតិ
Thomas Partey ត្រៀមចាកចេញពី Arsenal ទៅទឹកដីអ៊ីតាលី
ខ្សែបម្រើ Thomas Partey របស់ក្លឹបកាំភ្លើងធំ Arsenal បានធ្វើការពិភាក្សាលើការផ្ទេរមួយកាលពីពេលថ្មីៗនេះជាមួយក្លឹបសេះបង្កង់ Juventus។ សារព័ត៌មាន Sky Italy បានរាយការណ៍ថា Partey បានយល់ព្រមលើលក្ខខណ្ឌផ្ទាល់ខ្លួនជាមួយ Juventus ហើយ ដើម្បីចាកចេញពី Emirates នៅរដូវក្តៅនេះ។
ក្លឹបយក្សនៅក្របខណ្ឌ Serie A របស់អ៊ីតាលីមួយនេះ ត្រូវបានគេដឹងថា នឹងដាក់សំណើរផ្ទេរកីឡាករសញ្ជាតិហ្គាណា ប៉ុន្តែពួកគេក៏ត្រូវការលក់កីឡាករម្នាក់ រឺពីរនាក់ដែរ មុនពេលពួកគេអាចទិញ Thomas Partey បាន។ កីឡាករដែល Juventus មានភាគរយខ្ពស់ក្នុងការលក់ចេញជាងគេគឺ Dusan Vlahovic។
ទន្ទឹមនឹងនេះដែរ យើងមិនទាន់អាចដឹងច្បាស់ទេថា តើ Arsenal នឹងអនុញ្ញាតឲ្យ Thomas Partey ចាកចេញរឺអត់ បន្ទាប់ពីដៃគូនៅតំបន់បម្រើរបស់គាត់ Granit Xhaka បានចាកចេញកាលពីខែមុន។ Partey បានចូលរួមជាមួយ Arsenal ដោយផ្ទេរពីក្លឹបរបស់អេស្ប៉ាញ Atletico Madrid ក្នុងតម្លៃ 45 លានផោន នៅរដូវក្តៅឆ្នាំ 2020។
ប្រភព: Dailypost NG