Barcelona ចុះ​ហត្ថលេខា​លើ​កីឡាករ​ដែល​អាច​មាន​អនាគត​លេចធ្លោរ​ខ្លាំង Noah Darvich

ក្លឹប​អ្នក​មាន​បុណ្យ Barcelona ត្រូវ​បាន​គេ​រាយការណ៍​ថា នឹង​ចុះ​ហត្ថលេខា​លើ​កីឡាករ​ឆ្នើម​សញ្ជាតិ​អាឡឺម៉ង់ Noah Darvich ពី​ក្លឹប Freiburg។ គេ​បាន​ដឹង​ថា ​Noah Darvich បាន​យល់​ព្រម​​លើ​កិច្ច​ព្រម​ព្រៀង​ជាមួយ​ក្លឹប​យក្ស​កាតាឡាន់​រួច​ហើយ ជាមួយ​នឹង​តម្លៃ​ផ្ទេរ​ប្រហែល​ជា 3 លានអឺរ៉ូ។

កីឡាករ​វ័យ 16 ឆ្នាំ​ដែល​ត្រូវ​បាន​គេ​រំពឹង​ទុក​ថា នឹង​មាន​អនាគត​ដ៏​ភ្លឺស្វាង​នោះ ត្រូវ​បាន​គេ​ដឹង​ថា ក៏​ទទួល​បាន​ការ​ចាប់​អារម្មណ៍​ពី​ក្លឹប Ajax, Arsenal, Chelsea និង Man City ផង​ដែរ។ របាយការណ៍​ពី​អ្នក​កាសែត Fabrizio Romano ក៏​បាន​បញ្ជាក់​ដែរ​ថា Noah Darvich នឹង​ក្លាយ​ជា​កីឡាករ​របស់ Barcelona ដោយ​រងចាំ​តែ​ការ​ប្រកាស​ជា​ផ្លូវការណ៍​តែ​ប៉ុណ្ណោះ។

យ៉ាង​ណា​មិញ Noah Darvich លេង​ក្នុង​តំណែង​ជា​ខ្សែបម្រើ​ប្រយុទ្ធ ហើយ​កីឡាករ​ដែល​កើត​ក្នុង​ឆ្នាំ 2006 រូប​នេះ ក៏​បាន​លេង​ក្នុង​ក្រុម​ជម្រើស​ជាតិ​​អាឡឺម៉ង់ជា​យូរ​មក​ហើយ តាំង​ពី U16 ក្នុង​ឆ្នាំ 2021។ គាត់​បាន​ចូលរួម​ជាមួយ Freiburg ក្នុង​ឆ្នាំ 2017 ហើយ​សមត្ថភាព​ដ៏​អស្ចារ្យ​របស់​គាត់ បាន​ធ្វើ​ឲ្យ​ក្លឹប​ប្រូម៉ូត​ឡើង​មក​លេង ជាមួយ​ឈុត​យុវជន SC Freiburg II ទៀត​ផង។

ប្រភព: Barcablaugranes