បាល់ទាត់អន្តរជាតិ
Arsenal ដាក់តម្លៃខ្លួនរបស់ Tomiyasu ចំនួន 30 លានផោន ក្រោយពេលលឺថា Inter Milan ចង់បាន
ក្លឹបកាំភ្លើងធំ Arsenal ត្រូវបានគេរាយការណ៍ថា បានដាក់តម្លៃ 30 លានផោន លើខ្សែការពារ Takehiro Tomiyasu បន្ទាប់ពីដឹងថា ក្លឹបយក្ស Inter Milan របស់ Serie A មានចំណាប់អារម្មណ៍លើកីឡាកររូបនេះ។ យ៉ាងណាមិញ Takehiro Tomiyasu គឺជាកីឡាករសញ្ជាតិជប៉ុនតែម្នាក់គត់ដែលបានផ្លាស់ទៅ Emirates ដោយផ្ទេរពី Bologna ក្នុងខែសីហា ឆ្នាំ 2021។
ទោះជាយ៉ាងណាក៏ដោយ រដូវកាលមុនកីឡាករវ័យ 24 ឆ្នាំរូបនេះហាក់មិនមែនជាជម្រើសសំខាន់របស់លោក Mikel Arteta ឡើយ។ Tomiyasu បានចាប់ផ្តើមបង្ហាញខ្លួនជាជម្រើសដំបូងរបស់ក្រុមក្នុងការប្រកួត Premier League ត្រឹមតែ 6 ប្រកួតប៉ុណ្ណោះ ខណៈដែលកាំភ្លើងធំបានបញ្ចប់រដូវកាលក្នុងចំណាត់ថ្នាក់លេខ 2 តាមពីក្រោយ Manchester City។
ការសម្រេចចិត្តរបស់ Mikel Arteta គឺប្រើប្រាស់ Ben White នៅតំបន់ខ្សែការពារស្តាំ ស្របពេលដែល Takehiro Tomiyasu ជាជម្រើសដែលត្រូវអង្គុយនៅកៅអីបម្រុង។ ខ្សែការពាររូបនេះ ត្រូវបានគេគិតថា អាចនឹងត្រូវអនុញ្ជាតិឲ្យចាកចេញនៅរដូវក្តៅនេះ ប្រសិនបើមានការដេញថ្លៃដ៏សមរម្យមួយ។
ជាក់ស្ដែងយោងតាមសារព័ត៌មាន Inter Live បានឲ្យដឹងថា Arsenal បានដាក់តម្លៃ 35 លានអឺរ៉ូ (30.2 លានផោន) រួចហើយ ដែលវាជាតម្លៃខ្លួនរបស់ Tomiyasu។ របាយការណ៍ដដែលនេះដែរបានអះអាងបន្ថែមទៀតថា ក្នុងខណៈពេលនេះ Inter Milan គឺជាក្លឹបដែលចង់នាំយកគាត់ទៅកាន់ប្រទេសអ៊ីតាលី។
ប្រភព: Sportsmole
-
បាល់ទាត់អន្តរជាតិ2 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ2 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!
-
បាល់ទាត់អន្តរជាតិ3 days ago
Carlo Ancelotti លើកឡើងថា កូនក្រុមរបស់ខ្លួនរូបនេះ នឹងឈ្នះ Ballon d’Or