បាល់ទាត់អន្តរជាតិ
អ្នកកាសែតអង់គ្លេសម្នាក់រិះគន់ថា Kurt Zouma មិនសមធ្វើជាកាពីតែនក្រុមរបស់ West Ham ទេ ព្រោះគេធ្លាប់ទាត់សត្វឆ្មា
អ្នកកាសែតរបស់អង់គ្លេស និងជាប្រធានអ្នកនិពន្ធផ្នែកបាល់ទាត់របស់ Times Sport លោក Henry Winter បានបន្ទោសក្លឹប West Ham United ចំពោះការធ្វើឲ្យខ្សែការពារសញ្ជាតិបារាំង Kurt Zouma ឡើងធ្វើជាកាពីតែនក្រុមរបស់ពួកគេ បើទោះបីជាកន្លងមកកីឡាកររូបនេះមានភាពចម្រូងចម្រាសរឿងមិនល្អ អំពីការធ្វើបាបសត្វឆ្មាក៏ដោយ។
គួររំលឹកផងដែរថា ក្នុងខែមិថុនា ឆ្នាំ 2022 តុលាការបានកាត់ទោស Kurt Zouma ឲ្យនៅបម្រើការងារសង្គមចំនួន 180 ម៉ោង បន្ទាប់ពីគាត់បានសារភាពថា ពិតជាបានទាត់ និងទះឆ្មារបស់ខ្លួនពិតមែន។ តុលាការក៏បានហាមឃាត់ខ្សែការពារសញ្ជាតិបារាំងរូបនេះ មិនឲ្យចិញ្ចឹមឆ្មារយៈពេល 5 ឆ្នាំផងដែរ និងតម្រូវឲ្យគេបង់ប្រាក់ជិត 9,000 ផោន លើការខាតបង់ពេលលារបស់តុលាការ។
ខ្សែការពារកណ្ដាល Kurt Zouma បានកាន់ការងារជាកាពីតែនក្រុមរបស់ West Ham ក្នុងការប្រកួតដែលពួកគេទទួលបានជ័យជម្នះ 3-1 ទៅលើ Chelsea កាលពីថ្ងៃអាទិត្យសប្ដាហ៍មុន។ ទោះជាយ៉ាងណាក៏ដោយ ពាក់ព័ន្ធនឹងការដើរតួជាកាពីតែនក្រុមរបស់ Kurt Zouma បានរងការរិះគន់ពីសំណាក់ Henry Winter ដោយអ្នកសែតរូបនេះបានលើកឡើងថា គាត់មិនសមនឹងពាក់ស្លាកជាប្រធានក្រុម West Ham ទេ។ ហើយក្លឹបអាចជ្រើសរើសកីឡាករចំណូលថ្មី James Ward-Prowse គឺសមជាង ព្រោះកីឡាកររូបនេះមានភាពជាអ្នកដឹកនាំពីធម្មជាតិ ហើយមិនដែលទាត់ឆ្មាឡើយ។
ប្រភព: Dailypost NG
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United