បាល់ទាត់អន្តរជាតិ
Liverpool ចាប់អារម្មណ៍លើការផ្ទេរ ខ្សែបម្រើមិនសូវចូលលេងរបស់ Man City
ក្លឹបហង្សក្រហម Liverpool ត្រូវបានគេរាយការណ៍ថា បានចាប់អារម្មណ៍លើខ្សែបម្រើ Kalvin Phillips របស់ក្លឹប Manchester City។ បន្ទាប់ពីចុះហត្ថលេខាលើខ្សែបម្រើចំណូលថ្មី Dominik Szoboszlai និង Alexis Mac Allister កាលពីដើមរដូវក្តៅនេះ Liverpool នៅតែមិនទាន់អស់ចិត្តជាមួយនឹងការនាំយកកីឡាករចំណូលថ្មីនោះទេ។
មួយរយៈចុងក្រោយនេះហង្សក្រហម Liverpool បានបរាជ័យក្នុងផ្ទេរ Moises Caicedo និង Romeo Lavia ដែលកីឡាករទាំងពីររូបនេះ បានជ្រើសរើសដោយចូលរួមជាមួយតោខៀវ Chelsea។ បន្តមកទៀតហង្សក្រហម សម្រេចផ្ទេរកីឡាករសញ្ជាតិជប៉ុន Wataru Endo ដែលជាខ្សែបម្រើចំណូលថ្មីទីបីរបស់ពួកគេ។
ទោះបីជាបានចុះហត្ថលេខាលើ Endo ក្នុងតម្លៃ 16.2 លានផោន ពី Stuttgart ក៏ដោយក៏ហង្សក្រហមនៅតែមិនទាន់រឹងមាំគ្រប់គ្រាន់នៅតំបន់បម្រើរបស់ពួកគេ បន្ទាប់ពីការចាកចេញរបស់ Jordan Henderson, Fabinho, Naby Keita, James Milner និង Alex Oxlade-Chamberlain។
យោងតាមគេហទំព័រ talkSPORT បានឲ្យដឹងថា ក្លឹបហង្សក្រហម Liverpool កំពុងសម្លឹងមើលការផ្ទេរ Kalvin Phillips បន្ទាប់ពីបានទាក់ទងកីឡាករសញ្ជាតិអង់គ្លេសរូបនេះម្ដងរួចមកហើយកាលពីដើមរដូវក្តៅកន្លងទៅ។ ពេលនោះ Phillips បានបដិសេធចំពោះ Liverpool ដោយនិយាយថា គាត់សុខចិត្តស្នាក់នៅ Man City បើទោះបីជាមិនសូវបានចូលលេងក៏ដោយ។ យ៉ាងណាក៏ដោយ Liverpool បានទុកពេលវេលាឲ្យកីឡាករវ័យ 27 ឆ្នាំរូបនេះ ពិចារណារហូតជិតដល់ថ្ងៃចុងបញ្ចប់នៃទីផ្សារដោះដូរកីឡាករបិទ។
ប្រភព: Sportsmole
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
