បាល់ទាត់អន្តរជាតិ
Man United កំពុងពិចារណាផ្ទេរខ្សែការពារឆ្វេងដែលជាមិត្តរួមក្រុមរបស់ Messi
ក្លឹបបិសាចក្រហម Manchester United ត្រូវបានគេរាយការណ៍ថា បានកំណត់គោលដៅលើកីឡាកររបស់ក្លឹប Lyon គឺ Nicolas Tagliafico ដើម្បីមកបំពេញនូវចំណុចខ្វះខាតនៅតំបន់ការពារឆ្វេងរបស់ខ្លួន បន្ទាប់ពី Tyrell Malacia និង Luke Shaw រងរបួស ហើយត្រូវសម្រាកពីលើទីលានប្រកួតរយៈពេលយូរ។
គ្រូបង្វឹករបស់ក្លឹបលោក Erik ten Hag ត្រូវបានគេអះអាងថា នៅតែចង់នាំយកកីឡាករចំណូលថ្មីជាច្រើនទៀត ដើម្បីពង្រឹងនៅតំបន់នីមួយៗនៃក្រុមរបស់ខ្លួន ប៉ុន្តែគាត់បានផ្តោតអារម្មណ៍ទៅតំបន់ការពារឆ្វេងខ្លាំង។ គ្រូបង្វឹករូបនេះក៏មើលឃើញ Nicolas Tagliafico ខណៈដែលអ្នកទាំងពីរធ្លាប់ធ្វើការជាមួយគ្នាក្នុងអំឡុងពេលនៅក្លឹប AFC Ajax។
យ៉ាងណាមិញ Nicolas Tagliafico គឺជាកីឡាករសញ្ជាតិអាហ្សង់ទីន និងជាមិត្តរួមក្រុមជម្រើសជាតិជាមួយ Messi បច្ចុប្បន្ននៅមានកុងត្រាជាមួយក្លឹប Lyon រហូតដល់ថ្ងៃទី 30 ខែមិថុនា ឆ្នាំ 2025។ Nicolas Tagliafico បានចូលរួមជាមួយក្លឹប Lyon ដោយផ្ទេរពី Ajax ក្នុងតម្លៃ 4.2 លានអឺរ៉ូកាលពីឆ្នាំ 2022។ គេគិតថា ក្លឹប Lyon ទំនងជាមិនចង់លក់ Tagliafico ដែលជាកីឡាករសំខាន់របស់ពួកគេទេ បើទោះបីជាអាចចំណេញច្រើនក៏ដោយ។ យ៉ាងណារបាយការណ៍ចុងក្រោយមួយបានអះអាងថា Lyon អាចនឹងបើកចិត្តក្នុងការពិចារណាឲ្យគេខ្ចីជើងទៅ Man United បាន ជាមួយនឹងលក្ខខណ្ឌតម្រូវឲ្យបង់ប្រាក់មួយចំនួន។
ប្រភព: Sportsmole
Man City ចង់បានខ្សែប្រយុទ្ធសំខាន់ម្នាក់របស់ Barcelona
Szczesny អាចនឹងត្រូវបានប្រើប្រាស់ជាជម្រើសដំបូង ក្នុងការប្រកួតទល់នឹង Benfica រំលងអាធ្រាតនេះ!!!
Keylor Navas ត្រៀមចុះហត្ថលេខាចូលរួមជាមួយអតីតក្លឹបកាលពីកុមារភាពរបស់ Messi
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
