បាល់ទាត់អន្តរជាតិ
Thomas Partey នឹងអវត្តមានក្នុងការប្រកួតទល់នឹង Man United យប់នេះ!!!
យោងតាម Ghana FA បានបញ្ជាក់ថា ខ្សែបម្រើកណ្ដាល Thomas Partey របស់ក្លឹបកាំភ្លើងធំ Arsenal នឹងត្រូវសម្រាកពីលើទីលានប្រកួត 2 ទៅ 3 សប្តាហ៍ដោយសារបួសក្រលៀន។ ដោយឡែក កីឡាករវ័យ 30 ឆ្នាំរូបនេះ នៅតែត្រូវបានប្រើប្រាស់ជាកីឡាករសំខាន់របស់គ្រូបង្វឹកលោក Mikel Arteta សម្រាប់រដូវកាលថ្មីនេះដូចមុនដដែល។
បើទោះបីជាមានពាក្យចចាមអារ៉ាមថា ក្លឹប Juventus និងក្លឹបនៅអារ៉ាប៊ីសាអូឌីតចាប់អារម្មណ៍លើគាត់ក៏ដោយ Thomas Partey ហាក់ដូចជាមិនបង្ហាញពីតម្រុយនៃការចាកចេញនៅរដូវក្ដៅនេះឡើយ។ កីឡាករសញ្ជាតិហ្គាណារូបនេះ បានចាប់ផ្តើមការប្រកួត Premier League ទាំងបីប្រកួតដំបូងរបស់ Arsenal ក្នុងតួនាទីជាខ្សែការពារស្តាំ ដែលខុសពីជំនាញពិតប្រាកដរបស់គាត់។
ទោះជាយ៉ាងណាក៏ដោយ កីឡាកររូបនេះនឹងអវត្តមាននៅក្នុងការប្រកួតលីគវេលាម៉ោង 10:30 យប់នេះ ទល់នឹងក្រុមខ្លាំងបិសាចក្រហម Manchester United។ របាយការណ៍ដែលបានចុះផ្សាយដោយ Ghanafa.org បានអះអាងថា “Thomas Partey បានរងរបួសក្រលៀនអំឡុងពេលហ្វឹកហាត់នៅថ្ងៃព្រហស្បតិ៍ ទី 31 ខែសីហា ឆ្នាំ 2023។ បច្ចុប្បន្ននេះគាត់មិនអាចមានវត្តមាននៅលើទីលានប្រកួតទេ ខណៈដែលវេជ្ជបណ្ឌិតរបស់ក្លឹបបានព្យាករណ៍ថា គាត់ទំនងជានឹងអវត្តមាន 2 សប្តាហ៍”។
ប្រភព: Sportsmole
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ3 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ15 hours ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត