បាល់ទាត់អន្តរជាតិ
Thomas Partey នឹងចាកចេញពី Arsenal នៅពេលចប់រដូវកាលនេះ
ក្លឹបកាំភ្លើងធំ Arsenal ត្រូវបានគេរាយការណ៍ថា បានត្រៀមខ្លួនរួចជាស្រេចក្នុងការផ្ទេរខ្សែបម្រើ Thomas Partey នៅចុងបញ្ចប់រដូវកាល 2023-2024 ខាងមុខ។ យ៉ាងណាមិញ កីឡាករវ័យ 30 ឆ្នាំរូបនេះបានផ្លាស់ទៅក្លឹបកាំភ្លើងធំ Arsenal ដោយផ្ទេរពី Atletico Madrid កាលពីខែតុលា ឆ្នាំ 2020 ក្នុងតម្លៃ 45 លានផោន។
គិតចាប់តាំងពីពេលដែល Thomas Partey ផ្ទេរមកទឹកដីអង់គ្លេស មកទល់នឹងពេលនេះគាត់លេងបានប្រកួតសរុប 104 ប្រកួត ឲ្យក្លឹបកាំភ្លើងធំ Arsenal។ ទោះជាយ៉ាងណាក៏ដោយ ស្ថានភាពបច្ចុប្បន្នរបស់ Thomas Partey កំពុងស្ថិតក្នុងភាពតានតឹង ដោយសារបញ្ហារបួស បូកផ្សំនឹងក្រុមរបស់លោក Mikel Arteta ក៏មានខ្សែបម្រើឆ្នើមៗជាច្រើនផងដែរ។
យោងតាមកាសែត The Mirror បានឲ្យដឹងថា ក្លឹបកាំភ្លើងធំ Arsenal មានគោលជំហរក្នុងការអនុញ្ញាតឲ្យ Thomas Partey ចាកចេញពីពួកគេនៅចុងបញ្ចប់នៃរដូវកាលនេះ បើទោះបីជាកុងត្រាបច្ចុប្បន្នរបស់គាត់មិនទាន់ផុតកំណត់នៅរដូវក្តៅនេះក៏ដោយ។ គេបានដឹងថា ក្លឹបកាំភ្លើងធំមានការខកចិត្តជាមួយនឹងបញ្ហារបួសរបស់គាត់ ដែលផ្ដល់គុណវិបត្តិដល់ក្លឹប។
ប្រភព: Sportsmole
Barcelona កំពុងសម្លឹងមើលជម្រើសនៃការចុះហត្ថលេខាលើខ្សែបម្រើកណ្ដាល Thomas Partey
Barcelona និង Atletico Madrid ចាប់អារម្មណ៍លើខ្សែបម្រើសញ្ជាតិអាមេរិក ដែលកំពុងឡើងជើងខ្លាំង
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
