បាល់ទាត់អន្តរជាតិ
William Saliba ថា ខ្សែការពាររូបនេះ គឺជាកីឡាករល្អបំផុតក្នុងពិភពបាល់ទាត់នាពេលបច្ចុប្បន្ន
កីឡាករ William Saliba ដែលជាខ្សែការពារកណ្តាលរបស់ក្លឹបកាំភ្លើងធំ Arsenal បានប្រាប់ឈ្មោះខ្សែការពារដែលគាត់ចាត់ទុកថា មានសមត្ថភាពល្អជាងគាត់ និងកំពុងលេចធ្លោរខ្លាំងជាងគេបំផុតនៅក្នុងពិភពបាល់ទាត់នាពេលបច្ចុប្បន្ន។ យ៉ាងណាមិញ នៅពេលដែលយើងនិយាយពីខ្សែការពារដែលកំពុងលេចធ្លោរ ក៏យើងមិនអាចមើលរំលង Saliba ផងដែរ ព្រោះគាត់ក៏ជាខ្សែការពារលំដាប់កំពូលមួយរូបនៅ Premier League។
យោងទៅតាមអ្វីដែល William Saliba បានលើកឡើងកាលពីពេលថ្មីៗនេះ គាត់ចាត់ទុក Ruben Dias របស់ Manchester City គឺជាខ្សែការពារដ៏ល្អបំផុតនៅក្នុងពិភពលោកនាពេលបច្ចុប្បន្ន។ ខ្សែការពារសញ្ជាតិបារាំងរូបនេះថែមទាំងបន្ថែមទៀតថា កីឡាករសញ្ជាតិព័រទុយហ្គាល់រូបនេះ បានវ៉ាដាច់សមត្ថភាព Virgil van Dijk របស់ Liverpool។
នៅពេលជជែកវែកញែកពីកំពូលខ្សែការពារល្អបំផុត Saliba បានប្រាប់ទូរទស្សន៍ Sky Sports ថា៖ “និយាយដោយស្មោះត្រង់ វាគឺជា Ruben Dias។ ជាធម្មតាសម្រាប់ខ្ញុំ ខ្ញុំចាត់ទុក Van Dijk គឺជាកីឡាករល្អបំផុត។ ក្នុងរយៈពេល 4 ឆ្នាំចុងក្រោយនេះ Van Dijk គឺជាកីឡាករដ៏អស្ចារ្យ នៅក្នុងពិភពលោក ប៉ុន្តែសម្រាប់ខ្ញុំកាលពីរដូវកាលមុន Ruben Dias គឺលេខ 1, Van Dijk ទី 2 និងបន្ទាប់មក Thiago Silva ទី 3។ ខ្ញុំសង្ឃឹមថា ប្រហែលជាខ្ញុំនឹងក្លាយជា ខ្សែការពារកំពូលទី 3 នៅរដូវកាលក្រោយ ប៉ុន្តែខ្ញុំគិតថា នៅពេលនេះពួកគេប្រហែលជាល្អជាងខ្ញុំ”។
ប្រភព: Dailypost NG
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica
-
បាល់ទាត់អន្តរជាតិ3 days ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan