បាល់ទាត់អន្តរជាតិ
De Bruyne និង Lewandowski បដិសេធការផ្ទេរទៅ Saudi Pro League
ខ្សែបម្រើ Kevin De Bruyne របស់ក្លឹបមេឃខៀវ Manchester City និងខ្សែប្រយុទ្ធ Robert Lewandowski របស់ Barcelona ត្រូវបានគេដឹងថា បានត្រៀមចិត្តរួចជាស្រេច ក្នុងការច្រានចោលឱកាសដើម្បីផ្លាស់ទៅ Saudi Pro League នៅខែមករាឆ្នាំក្រោយនេះ។ យើងបានដឹងហើយថា មានកីឡាករល្បីៗជាច្រើននៅតំបន់អឺរ៉ុប បានទាក់ទាញដោយការផ្ទេរទៅមជ្ឈិមបូព៌ា ជាពិសេសក្លឹបដែលមានសកម្មភាពខ្លាំងដូចជា Al-Hilal, Al-Ittihad, Al-Ahli និង Al-Nassr ជាដើម។
ទន្ទឹមនឹងនេះដែរ កីឡាករមួយចំនួនដូចជា Neymar, Karim Benzema, N’Golo Kante, Fabinho, Sadio Mane និង Gabri Veiga បានចាកចេញពីតំបន់អ៊ឺរ៉ុប ទៅប្រទេសអារ៉ាប៊ីសាអូឌីតនៅរដូវក្ដៅនេះ ដែលជាកន្លែងម្ចាស់ពាន Ballon d’Or 5 សម័យកាល Cristiano Ronaldo ក៏នៅទីនោះដែរ។
ផ្ទុយមកវិញសម្រាប់ De Bruyne និង Robert Lewandowski ពិតជាមិនចង់ទៅទីនោះឡើយ ហើយយោងតាមរបាយការណ៍ពីអ្នកកាសែតលោក Fabrizio Romano បានឲ្យដឹងថា ក្លឹបនៅ Saudi Pro League កំពុងព្យាយាមទាក់ទងទៅ De Bruyne និង Lewandowski តែកីឡាករទាំងពីររូបនេះ មិនចាប់អារម្មណ៍នឹងប្រាក់ឈ្នួលដ៏ច្រើន នៅក្នុងប្រទេសអារ៉ាប៊ីសាអូឌីតនោះទេ។
ប្រភព: Sportsmole
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
