បាល់ទាត់អន្តរជាតិ
Liverpool ចាញ់ជាលើកដំបូងក្រោមស្នាដៃរបស់ Tottenham Hotspur
ក្លឹបហង្សក្រហម Liverpool បានស្គាល់បរាជ័យជាលើកដំបូងរបស់ខ្លួននៅក្នុងការប្រកួត Premier League រដូវកាលនេះ ក្រោមស្នាដៃរបស់ក្រុមម្ចាស់ផ្ទះ Tottenham Hotspur។ Liverpool បានតស៊ូប្រយុទ្ធនឹង Tottenham Hotspur ដោយពួកគេមានគ្នាត្រឹមតែ 9 នាក់ប៉ុណ្ណោះ បន្ទាប់ពីកីឡាករពីរនាក់របស់ខ្លួនបានទទួលកាតក្រហម។
Liverpool បានបរាជ័យក្នុងការរក្សាកំណត់ត្រាមិនដែលចាញ់ 17 ប្រកួតនៅ Premier League ដោយចាញ់ Tottenham Hotspur ក្នុងលទ្ធផល 2-1 ខណៈដែលគ្រាប់បាល់ពីរគ្រាប់របស់មាន់ខ្នាយមាស Tottenham Hotspur គឺជាស៊ុតបញ្ចូលទីពីសំណាក់ Son Heung-min នៅនាទីទី 36 និងគ្រាប់បាល់ចូលទីខ្លួនឯង (Own Goal) របស់ Joel Matip នៅចុងម៉ោងនាទីទី 90+6។
ហង្សក្រហមបានត្រឹមវាយបកបានមួយគ្រាប់វិញប៉ុណ្ណោះ ដែលជាការស៊ុតបាល់បញ្ចូលទីរបស់ Cody Gakpo នៅចុងតង់ទី 1 នាទីទី 45+4។ យ៉ាងណាមិញនៅពេលនេះ មានតែពីរក្រុមប៉ុណ្ណោះនៅ Premier League ដែលមិនទាន់ស្គាល់ចាញ់គឺ Tottenham Hotspur និងក្លឹបកាំភ្លើងធំ Arsenal ស្របពេលដែលក្រុមការពារតំណែងជើងឯក និងកំពុងឈរនៅកំពូលតារាង Man City បានបរាជ័យជាលើកដំបូងរបស់ខ្លួនក្រោមស្នាដៃ Wolves 2-1 កាលពីម្សិលមិញ។
ប្រភព: Sportsmole
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
