បាល់ទាត់អន្តរជាតិ
ហេតុផលដែលការខ្ចីជើង Lionel Messi ទៅ Barcelona វិញ គឺជារឿងដែលមិនអាចទៅរួច
បន្ទាប់ពី Inter Miami ធ្លាក់ចេញពីការប្រកួតជម្រុះ MLS នោះ Lionel Messi នឹងមានការប្រកួតជម្រុះ World Cup ជាមួយអាហ្សង់ទីនដែលនឹងមកដល់ក្នុងខែវិច្ឆិកានេះ ប៉ុន្តែបន្តពីនោះមកគាត់នឹងមានការសម្រាកដ៏យូរ រហូតដល់ឆ្នាំ 2024 ទើបការប្រកួតប្រជែងនៅលីគកំពូលរបស់សហរដ្ឋអាមេរិចចាប់ផ្ដើមឡើងវិញ។
ក្នុងឱកាសនេះ Lionel Messi អាចស្វែងរកការប្រកួតប្រជែងជាថ្មីម្ដងទៀត ដោយការវិលត្រឡប់ទៅតំបន់អឺរ៉ុបវិញ ក្នុងលក្ខខណ្ឌខ្ចីជើងរយៈពេលខ្លីមួយជាមួយ Barcelona រឺក្លឹបណាមួយដែលគាត់ចង់ទៅ។ យ៉ាងណា Messi នឹងមិនទៅចូលរួមជាមួយ Barcelona វិញទេ បើទោះបីជាគាត់អាចត្រឡប់ទៅក្លឹបចាស់នេះវិញក៏ដោយ។
របាយការណ៍ពី Mundo Deportivo បានរាយការណ៍ពីហេតុផលដ៏សំខាន់មួយដែល Messi មិនអាចត្រឡប់ទៅអតីតក្លឹបចាស់របស់ខ្លួនវិញបាន ដោយបច្ចុប្បន្ន Barcelona មិនអាចធ្វើការចំណាយប្រាក់លើកីឡាករចំណូលថ្មីតាមតែចិត្តចង់នោះទេ។ ទោះបីជា Lionel Messi យល់ព្រមលើប្រាក់ខែទាបក៏ដោយ ច្បាប់របស់ La Liga នឹងធ្វើការគណនាប្រាក់ពលកម្មរបស់គាត់ ជាមួយនឹងកីឡាករចំណូលថ្មីផ្សេងៗទៀត ជាពិសេស Joao Felix។
គ្មានការពិចារណាលើការចុះហត្ថលេខាលើ Messi ទេ មានន័យថា គាត់នឹងត្រឡប់ទៅហ្វឹកហាត់ជាធម្មតាមុនបើករដូវកាលជាមួយ Inter Miami ក្នុងខែមករាឆ្នាំក្រោយ ខណៈដែល Messi អាចមានលទ្ធផលភាពមក Camp Nou វិញបាន ត្រឹមតែជាការប្រកួតមិត្តភាពរវាង Inter Miami និង Barcelona ដែលគេគ្រោងនឹងរៀបចំឡើងនៅរដូវរងារនេះប៉ុណ្ណោះ។
ប្រភព: GOAL
-
បាល់ទាត់អន្តរជាតិ2 days ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!
-
បាល់ទាត់អន្តរជាតិ2 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ1 day ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa