បាល់ទាត់អន្តរជាតិ
Rodrygo សារភាពថា ខ្លួនមិនចង់លេងក្នុងតំណែងជាខ្សែប្រយុទ្ធកណ្ដាលឡើយ!!!
ខ្សែប្រយុទ្ធ Rodrygo របស់ក្លឹបអធិរាជស Real Madrid បានសារភាពថា គាត់មិនចូលចិត្ត ក្នុងការលេងជាកីឡាករខ្សែប្រយុទ្ធកណ្ដាល ដែលជាតួនាទីដែលគាត់កំពុងត្រូវបានលោក Carlo Ancelotti ជាគ្រូបង្វឹករបស់ខ្លួនស្នើឲ្យលេងនាពេលចុងក្រោយនេះឡើយ។
យ៉ាងណាមិញ កីឡាករសញ្ជាតិប្រេស៊ីលរូបនេះតែងតែបង្ហាញខ្លួនភាគច្រើន ជាមួយនឹងការលេងក្នុងតួនាទីជាខ្សែប្រយុទ្ធស្តាំ គិតចាប់តាំងពីការមកដល់ Real Madrid ដំបូងៗដោយផ្ទេរពីក្លឹប Santos របស់ប្រេស៊ីលក្នុងខែកក្កដា ឆ្នាំ 2019។ Rodrygo បានបង្ហាញខ្លួនសរុប 57 ប្រកួត ស៊ុតបញ្ចូលទីបាន 19 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 11 ដង កាលពីរដូវកាលមុន (2022-2023)។
ទោះជាយ៉ាងណា គាត់ត្រូវបានស្នើសុំឲ្យលេងក្នុងតួនាទីថ្មីនៅរដូវកាលនេះ ដែលលេងជាខ្សែប្រយុទ្ធកណ្ដាល ហើយតួនាទីនេះពីមុនមកគឺកាន់កាប់ដោយអតីតកីឡាករឆ្នើម Karim Benzema។ លោក Carlo Ancelotti បានផ្លាស់ប្ដូរទម្រង់លេងថ្មីនៅរដូវកាលនេះ ដោយប្រើប្រាស់ប្រព័ន្ធ 4-3-1-2 ខណៈដែល Jude Bellingham លេងជាខ្សែបម្រើប្រយុទ្ធដែលនៅក្រោយខែប្រយុទ្ធពីររូបខាងលើ។
ជាមួយនឹងទម្រង់លេងនេះដែរ Rodrygo ត្រូវបានប្រើប្រាស់ជាមួយ Vinicius Junior រឺ Joselu ជាខ្សែប្រយុទ្ធពីរខាងលើ។ ការលេងជាខ្សែប្រយុទ្ធបែបនេះ គាត់រកបានគ្រាប់បាល់ត្រឹមតែមួយគ្រាប់ និង Assist ម្ដងប៉ុណ្ណោះ គិតចាប់តាំងពីបើករដូវកាលមក។
ថ្មីៗនេះ Rodrygo បានប្រាប់ទៅកាន់កាសែត Marca ដោយសារភាពថា៖ “ខ្ញុំតែងតែបញ្ជាក់យ៉ាងច្បាស់ថា ខ្ញុំមានសមត្ថភាពលេងនៅតំបន់ស្លាប។ ខ្ញុំគ្រាន់តែមិនចូលចិត្តលេងជាខ្សែប្រយុទ្ធកណ្ដាល។ ទោះជាយ៉ាងណានៅក្នុងក្លឹបរបស់ខ្ញុំ ខ្ញុំត្រូវតែធ្វើវា។ សម្រាប់ការលេងជាមួយក្រុមជម្រើសជាតិប្រេស៊ីល ខ្ញុំមានសេរីភាពក្នុងការផ្លាស់ទីច្រើនជាង”។
ប្រភព: Sportsmole
-
បាល់ទាត់អន្តរជាតិ3 days ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ1 day ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)