បាល់ទាត់អន្តរជាតិ
Real Madrid ត្រៀមលុយ 35 លានផោន ដើម្បីចរចាទិញយកខ្សែការពារ Alphonso Davies
ក្លឹប Real Madrid ត្រូវបានគេរាយការណ៍មកថា កំពុងត្រៀមខ្លួនដើម្បីចរចាចុះហត្ថលេខាលើខ្សែការពារឆ្វេង Alphonso Davies របស់ក្លឹប Bayern Munich ស្របពេលដែលកីឡាករឆ្នើមរូបនេះ កំពុងជាប់គាំងក្នុងការចុះកុងត្រាថ្មីជាមួយក្លឹបបច្ចុប្បន្នរបស់ខ្លួន។
គួររំលឹកផងដែរថា Alphonso Davies បានចាប់ផ្ដើមជីវិតដ៏លេចធ្លោររបស់គាត់នៅ Bundesliga ដោយផ្ទេរពីក្លឹប Vancouver Whitecaps របស់លីគ MLS ក្នុងខែធ្នូ ឆ្នាំ 2018។ កីឡាករវ័យ 22 ឆ្នាំរូបនេះ គឺជាចំណែកមួយដ៏សំខាន់ ក្នុងការជួយឲ្យ Bayern Munich ឈ្នះជើងឯកលីគកំពូលអាឡឺម៉ង់ចំនួន 5 ដង ក៏ដូចជាការឈ្នះពាន UEFA Champions League កាលពីឆ្នាំ 2020 ផងដែរ។
គិតមកទល់នឹងពេលនេះ Alphonso Davies បង្ហាញខ្លួនសរុបបាន 164 ប្រកួត សម្រាប់ក្លឹបយក្ស Bayern Munich ដោយស៊ុតបញ្ចូលទីបាន 8 គ្រាប់។ យោងតាមសារព័ត៌មានអាឡឺម៉ង់ Bild បានឲ្យដឹងថា Real Madrid កំពុងតែតាមមើលស្ថានភាពរបស់ Alphonso Davies ដើម្បីនាំយកខ្សែការពាររូបនេះទៅទឹកដីអេស្ប៉ាញនាពេលឆាប់ៗខាងមុខ។ Real Madrid ចង់ពង្រឹងក្រុមរបស់ខ្លួនឲ្យកាន់តែខ្លាំង ដើម្បីប្រកួតប្រជែងនៅតំបន់អឺរ៉ុបសម្រាប់រយៈពេលប៉ុន្មានឆ្នាំខាងមុខ។
ប្រភព: Sportsmole
-
បាល់ទាត់អន្តរជាតិ2 days ago
Alex Baena បង្ហើបថា ខ្លួនមានក្ដីសុបិនដ៏ធំមួយ ដោយចង់លេងឲ្យក្លឹប Barcelona
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ23 hours ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)