បាល់ទាត់អន្តរជាតិ
អតីតកីឡាករមួយរូបរបស់តោខៀវលើកឡើងថា Cristian Romero កំពុងបំផ្លាញក្រុមរបស់ខ្លួនឯង
ខ្សែការពារ Cristian Romero អាចបំផ្លាញរដូវកាលដ៏ល្អរបស់ Tottenham Hotspur នេះបើយោងតាមអតីតកីឡាករឆ្នើម Chris Sutton របស់ក្លឹបតោខៀវ Chelsea បានលើកឡើង។ Chris Sutton បាននិយាយបែបនេះ បន្ទាប់ពីខ្សែការពារសញ្ជាតិអាហ្សង់ទីនរូបនេះបានទទួលកាតក្រហមក្នុងការប្រកួតទល់ Chelsea កាលពីរំលងអាធ្រាតយប់មិញ។
យ៉ាងណាមិញ Cristian Romero ត្រូវបានបណ្តេញចេញពីការប្រកួត នៅនាទីទី 33 បន្ទាប់ពីគាត់បានបង្ករកំហុសដោយបើកបាតទៅលើ Enzo Fernandez ដែលជាមិត្តរួមសញ្ជាតិរបស់ខ្លួន។ ជាចុងក្រោយ Tottenham Hotspur បានស្គាល់បរាជ័យជាលើកដំបូងដោយចាញ់ Chelsea ក្នុងលទ្ធផល 4 ទល់នឹង 1។
តាមពិតទៅ Cristian Romero ស្ទើរតែទទួលបានកាតក្រហមតាំងពីពេលគាត់បានទាត់ជើង Levi Colwill ម្ល៉េះ តែពេលនោះអាជ្ញាកណ្ដាលមិនបានឃើញ និងមិនបានស្នើរឲ្យមានការឆែកមើល VAR។ ដោយឡែកជុំវិញអាកប្បកិរិយានេះដែរ លោក Chris Sutton បាននិយាយថា៖ “គាត់អាចបំផ្លាញក្រុមរបស់ខ្លួន។ គាត់លេងបានយ៉ាងល្អជាមួយ Van de Ven ប៉ុន្តែគាត់អាចធ្វើវាបានត្រឹមតែរយៈពេលខ្លីប៉ុណ្ណោះ។ Cristian Romero គឺជាអ្នកដែលត្រូវទទួលខុសត្រូវដ៏ធំមួយ សម្រាប់ដំណើរផ្សងព្រេងពេញមួយរដូវកាលរបស់ Tottenham Hotspur”។
ប្រភព: Sportsmole
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
