បាល់ទាត់អន្តរជាតិ
ខ្សែការពារសំខាន់ Cristian Romero ជាពីរបួសទាន់ពេលនៃការប្រកួតទល់នឹងបិសាចក្រហម
ក្លឹបមាន់ខ្នាយ Tottenham Hotspur បានបង្ហាញសញ្ញាវិជ្ជមាននៃស្ថានភាពរបស់ខ្សែការពារសំខាន់របស់ខ្លួន Cristian Romero ខណៈដែលកីឡាករសញ្ជាតិអាហ្សង់ទីនរូបនេះ បានវិលត្រឡប់មកទីលានហ្វឹកហាត់វិញ មុនការប្រកួត Premier League ដ៏សំខាន់ដែលត្រូវតទល់នឹងក្រុមម្ចាស់ផ្ទះ Manchester United នៅរយៈពេលប៉ុន្មានថ្ងៃខាងមុខ។
កីឡាករវ័យ 25 ឆ្នាំរូបនេះមិនបានលេងឲ្យ Tottenham Hotspur ចាប់តាំងពីរបួសសរសៃពួររបស់ខ្លួន ពេលប្រកួតប៉ះនឹង Everton ដែលជាការប្រកួតក្នុងក្របខ័ណ្ឌកំពូល Premier League កាលពីថ្ងៃទី 23 ខែធ្នូ ឆ្នាំមុន។ បន្ទាប់ពីនោះមកលោក Ange Postecoglou ដែលជាគ្រូបង្វឹករបស់ក្លឹបបានឲ្យដឹងថា Romero នឹងត្រូវសម្រាកពីលើទីលាន 4 ទៅ 5 សប្តាហ៍ ដើម្បីព្យាបាលរបួស។
ការអវត្តមានរបស់ Romero នាប៉ុន្មានប្រកួតចុងក្រោយនេះ រួមជាមួយនឹងខ្សែការពារកណ្តាល Micky van de Ven ដែលរបួសដែរនោះ បានបង្ខំឲ្យលោក Postecoglou ប្រើប្រាស់ Emerson Royal និង Ben Davies ក្នុងតំបន់ការពារកណ្តាល។ លើសពីនេះទៀត ពួកគេក៏បានខ្វះខាតនៅតំបន់បម្រើផងដែរ ដោយកីឡាករសំខាន់ James Maddison បានរងរបួស ខណៈដែលកាពីតែនក្រុម Son Heung-min ជាប់ភារកិច្ចជាមួយក្រុមជម្រើសជាតិក្នុងព្រឹត្តិការណ៍ Asian Cup។
ប្រភព: Sportsmole
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
