បាល់ទាត់អន្តរជាតិ
បិសាចក្រហមចាប់អារម្មណ៍លើខ្សែប្រយុទ្ធមិនសូវល្បីឈ្មោះមួយរូបរបស់ក្លឹប Lecce
ក្លឹបបិសាចក្រហម Manchester United ត្រូវបានគេរាយការណ៍ថា បានដាក់គោលដៅផ្ទេររបស់ខ្លួននៅខែមករាខាងមុខនេះ ទៅលើខ្សែប្រយុទ្ធ Nikola Krstovic របស់ក្លឹប Lecce ដោយក្លឹបយក្សរបស់អង់គ្លេសមួយនេះ កំពុងសម្លឹងមើលការបង្កើនជម្រើសបន្ថែមនៅតំបន់ប្រយុទ្ធរបស់ពួកគេដើមឆ្នាំ 2024 ខាងមុខ។
លោក Jim Ratcliffe ដែលជាម្ចាស់ភាគហ៊ុនរបស់ក្លឹបបិសាចក្រហម កំពុងត្រូវបានគេអះអាងថា បានផ្ដល់សិទ្ធិទៅឲ្យគ្រូបង្វឹកលោក Erik ten Hag ចំណាយប្រាក់មួយចំនួនធំនៅក្នុងទីផ្សារដោះដូរកីឡាករនារដូវរងារនេះ ដើម្បីកែលម្អក្រុមឲ្យប្រសើរឡើងវិញ។ យ៉ាងណាមិញ ខ្សែប្រយុទ្ធសំខាន់របស់ក្លឹប Rasmus Hojlund គឺជាកីឡាករដែលស៊ុតបញ្ចូលទីបានច្រើនជាងគេក្នុងក្រុមនៅរដូវកាលនេះ ដោយរកបាន 5 គ្រាប់ គិតចាប់តាំងពីការមកដល់របស់គាត់ដោយផ្ទេរពី Atalanta BC កាលពីដើមរដូវកាលនេះ ប៉ុន្តែគ្រាប់បាល់ទាំងអស់នោះជាគ្រាប់ស្ថិតនៅក្នុងក្របខ័ណ្ឌ UEFA Champions League ប៉ុណ្ណោះ។
ខ្សែបម្រើ Casemiro និង Bruno Fernandes គឺជាអ្នករកបានគ្រាប់បាល់ 4 គ្រាប់ដូចគ្នា ខណៈដែល Scott McTominay មាន 3 គ្រាប់ ប៉ុន្តែ Anthony Martial និង Marcus Rashford រកបានតែ 1 គ្រាប់ប៉ុណ្ណោះ។ ដោយឡែកសម្រាប់ Jadon Sancho កំពុងរៀបចំចាកចេញពី Old Trafford ក្នុងខែមករាដើមឆ្នាំក្រោយ ដោយសារមានរឿងរ៉ាវរកាំរកូសជាមួយលោក Erik ten Hag។
ថ្មីៗនេះ Mehdi Taremi របស់ក្លឹប Porto ត្រូវបានផ្សារភ្ជាប់ជាមួយនឹងការផ្លាស់ទៅ Manchester United ផងដែរ ខណៈដែល Federico Chiesa ក៏ត្រូវបានគេគិតថា ជាគោលដៅរបស់ក្លឹបបិសាចក្រហមដូចគ្នា។ យ៉ាងណាក្ដី យោងទៅតាមរបាយការណ៍ពី Calciomercato បានលើកឡើងថា Krstovic ក៏ស្ថិតនៅលើរ៉ាដារបស់ក្លឹបដែរ ស្របពេលដែល Inter Milan ក៏ពេញចិត្តនឹងកីឡាករសញ្ជាតិម៉ុងតេណេហ្គ្រោរូបនេះផងដែរ។
ប្រភព: Sportsmole
Mbappe ជឿជាក់ថា PSG នឹងនៅតែមានឱកាសឈ្នះពាន UCL
Jack Grealish ត្រូវបានទទួលការពិន័យ លើករណីបើកបរហួសល្បឿនកំណត់
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
ក្លឹបយក្សមួយ ចង់ចុះហត្ថលេខានាំយក Cristiano Ronaldo ត្រឡប់ទៅ Premier League វិញ
-
បាល់ទាត់អន្តរជាតិ2 days agoជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ3 days agoCole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ10 hours agoអាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត