បាល់ទាត់អន្តរជាតិ
តើអ៊ុយរូហ្គាយ នឹងបញ្ចប់កំណត់ត្រាមិនដែលឈ្នះអាហ្សង់ទីន ក្នុងរយៈពេល 10 ឆ្នាំចុងក្រោយបាន រឺទេ?
ការប្រកួតរបស់ក្រុមជម្រើសជាតិនឹងចាប់ផ្ដើមឡើងវិញហើយសម្រាប់ក្រុមនៅតំបន់អាមេរិកឡាទីន ដែលពួកគេនឹងធ្វើការប្រកួតវគ្គជម្រុះ World Cup ក្នុងតំបន់នៅព្រឹកថ្ងៃស្អែកម៉ោង 7:00 (ម៉ោងនៅកម្ពុជា) ខណៈដែលអ៊ុយរូហ្គាយ នឹងត្រូវប៉ះជាមួយម្ចាស់ជើងឯកអាហ្សង់ទីនដែលដឹកនាំដោយលោក Lionel Scaloni។
បច្ចុប្បន្ន អ៊ុយរូហ្គាយ កំពុងស្ថិតក្នុងចំណាត់ថ្នាក់លេខ 2 ក្នុងតារាងវគ្គជម្រុះក្នុងតំបន់របស់ CONMEBOL ស្របពេលដែលទម្រង់លេងរបស់ពួកគេបានរីកចម្រើន ក្នុងកម្រិតមួយដែលប្រសើរជាងកាលពីឆ្នាំមុន។ លើសពីនេះទៅទៀតប្រកួតចុងក្រោយពួកគេបានទទួលជ័យជម្នះដ៏អស្ចារ្យលើប្រទេសប្រេស៊ីលក្នុងលទ្ធផល 2-0 កាលពីខែមុន។
យ៉ាងណាមិញ សម្រាប់អាហ្សង់ទីនបច្ចុប្បន្នពួកគេកំពុងឈរនៅលើកំពូលតារាង និងជាក្រុមដែលពោរពេញដោយកីឡាករមានទេពកោសល្យជាច្រើន។ អាហ្សង់ទីនមានប្រៀបទៅលើអ៊ុយរូហ្គាយបើគិតក្នុងប្រវត្តិនៃការជួបគ្នាកន្លងមក ដោយពួកគេបានឈ្នះ 97 ដង ក្នុងចំណោម 211 ប្រកួត ខណៈដែលអ៊ុយរូហ្គាយធ្លាប់ឈ្នះលើអាហ្សង់ទីនបាន 62 ដងប៉ុណ្ណោះ។
Lionel Messi គឺជាកីឡាករឆ្នើមរបស់អាហ្សង់ទីន ហើយក៏ជាអ្នកដែលស៊ុតបញ្ចូលទីបានច្រើនជាងគេក្នុងប្រវត្តិសាស្ត្ររបស់ក្រុមជម្រើសជាតិផងដែរ ដោយមានគ្រាប់បាល់ចំនួន 106 គ្រាប់ ក្នុងការបង្ហាញខ្លួន 178 លើក។ ប្រកួត 7 លើកចុងក្រោយរបស់អាហ្សង់ទីនទល់នឹងអ៊ុយរូហ្គាយ ពួកគេឈ្នះទាំងអស់ ពោលគឺតាំងពីឆ្នាំ 2013 មកម្ល៉េះ។ ការទស្សន៍ទាយលទ្ធផលរបស់អ្នកវិភាគបានបង្ហាញថា ការប្រកួតព្រឹកស្អែកនេះ អាហ្សង់ទីននឹងឈ្នះ 2-1 លើអ៊ុយរូហ្គាយ។
ប្រភព: Sportskeeda
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica
-
បាល់ទាត់អន្តរជាតិ3 days ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan