បាល់ទាត់អន្តរជាតិ
Szoboszlai នឹងខកខានការប្រកួត ទល់នឹង Arsenal នៅយប់នេះ
ខ្សែបម្រើ Dominik Szoboszlai របស់ក្លឹបហង្សក្រហម Liverpool នឹងខកខានមិនអាចចូលលេងបានក្នុងការប្រកួត FA Cup ជុំទី 3 ដែលត្រូវប៉ះនឹងក្រុមខ្លាំង Arsenal នៅយប់ថ្ងៃអាទិត្យនេះទេ ដោយសារបញ្ហារបួសសរសៃពួរ។ កីឡាករវ័យ 23 ឆ្នាំរូបនេះបានរងរបួស ក្នុងការប្រកួតដែលក្រុមរបស់ខ្លួនបានទទួលជ័យជម្នះ 4-2 កាលពីថ្ងៃច័ន្ទកន្លងទៅទល់នឹង Newcastle United។
កីឡាករសញ្ជាតិហុងគ្រីរូបនេះ បានស្ថិតក្នុងបញ្ជីកីឡាកររបួសជាមួយនឹង Thiago Alcantara, Andy Robertson, Stefan Bajcetic, Joel Matip និង Kostas Tsimikas ខណៈដែលហង្សក្រហមក៏នឹងគ្មានវត្តមានរបស់ Mohamed Salah និង Wataru Endo ផងដែរ ដោយសារកីឡាករទាំង 2 រូបនេះកំពុងជាប់ភារកិច្ចជាមួយក្រុមជម្រើសជាតិ។
ខ្សែប្រយុទ្ធ Mohamed Salah កំពុងត្រៀមការប្រកួតសម្រាប់អេហ្ស៊ីប នៅក្នុងព្រឹត្តិការណ៍ Africa Cup of Nations ខណៈដែលខ្សែបម្រើ Endo ត្រៀមសម្រាប់ការប្រកួត Asian Cup សម្រាប់ជប៉ុន។ ពេលត្រូវបានសួរអំពី Salah និង Endo លោក Jurgen Klopp ដែលជាគ្រូបង្វឹករបស់ក្លឹបបាននិយាយថា៖ “តាមទស្សនៈផ្ទាល់ខ្លួន ខ្ញុំនឹងសប្បាយចិត្តខ្លាំង ប្រសិនបើពួកគេធ្លាក់ចេញពីវគ្គចែកពូលជាមួយក្រុមជម្រើសជាតិ ប៉ុន្តែវាប្រហែលជាមិនអាចទៅរួចនោះទេ ដូច្នេះវាល្អ បើពួកគេក៏អាចឈ្នះវា”។
ប្រភព: BBC
-
បាល់ទាត់អន្តរជាតិ3 days ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ1 day ago
Richarlison អាចនឹងចាកចេញទៅអារ៉ាប៊ីសាអូឌីត នៅរដូវក្ដៅនេះ!!!
-
បាល់ទាត់អន្តរជាតិ16 hours ago
អតីតកីឡាករមួយរូបរបស់ Barcelona បន្លំឲ្យប្អូនភ្លោះរបស់ខ្លួនចូលលេងជំនួស ដើម្បីជួយក្រុម!!!