បាល់ទាត់អន្តរជាតិ
Christian Eriksen សរសើរកីឡាករវ័យក្មេងមួយរូបដែលជាមិត្តរួមក្រុមរបស់ខ្លួន
កីឡាកររបស់ក្លឹបបិសាចក្រហម Manchester United គឺខ្សែបម្រើ Christian Eriksen បានបង្ហើបឲ្យដឹងថា គាត់ពិតជាមានការស្ងើចសរសើរចំពោះការបង្ហាញសមត្ថភាពរបស់កីឡាករវ័យក្មេង Mainoo ដែលទើបនឹងត្រូវបានក្លឹបប្រូម៉ូតឡើងមកលេងជាមួយឈុតធំជាលើកដំបូងកាលពីរដូវកាលមុន។
យ៉ាងណាមិញ Christian Eriksen បាននិយាយថា Mainoo ពិតជាធ្វើបានល្អសម្រាប់ Man United ហើយគេគឺពិតជាកីឡាករដ៏ពិសេសមួយរូប។ ជាការពិតណាស់ Kobbie Mainoo ជាកីឡាករសញ្ជាតិអង់គ្លេសដែលបានលេងឲ្យឈុតយុវជនរបស់ក្លឹបបិសាចក្រហមតាំងពីឆ្នាំ 2021 មកម្ល៉េះ។ កីឡាករវ័យ 18 ឆ្នាំរូបនេះ ត្រូវបានបិសាចក្រហមដាក់បញ្ចូលក្នុងក្រុមឈុតធំកាលពីរដូវកាលមុន ហើយគិតមកទល់នឹងពេលនេះគាត់លេងបាន 11 ប្រកួតមកហើយ។
ទោះជាយ៉ាងណា Mainoo ត្រូវបានគេចាត់ទុកជាកីឡាករវ័យក្មេងដ៏មានទេពកោសល្យមួយរូបប្រចាំទឹកដី Premier League ហើយជាពិសេសកាលពីពេលថ្មីៗនេះគាត់បានបង្ហាញភាពលេចធ្លោរកាន់តែខ្លាំងក្នុងការប្រកួតទល់នឹង Everton និង Aston Villa ទៀតផង។
លើសពីនេះទៅទៀតមិត្តរួមក្រុមរបស់គាត់ Christian Eriksen ក៏បានពោលសរសើរខ្សែបម្រើវ័យក្មេងរូបនេះដែរ ដោយលើកឡើងថា៖ “ខ្ញុំមានការចាប់អារម្មណ៍ខ្លាំងណាស់ចំពោះ Mainoo។ ខ្ញុំពិតជាចូលចិត្ត ចំពោះអ្វីដែលខ្ញុំបានឃើញ។ ខ្ញុំចង់និយាយថា គាត់ជាកីឡាករពិសេសម្នាក់។ គាត់នៅតែជាកីឡាករវ័យក្មេង ប៉ុន្តែគាត់កំពុងធ្វើបានយ៉ាងល្អ ហើយគាត់កំពុងព្យាយាមកាន់កាប់កន្លែងមួយនៅក្នុងក្រុម”។
ប្រភព: Dailypost NG
-
បាល់ទាត់អន្តរជាតិ1 day ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ2 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United