បាល់ទាត់អន្តរជាតិ
Man United កំពុងចង់បានខ្សែការពារ Ryan Sessegnon របស់មាន់ខ្នាយមាស
ក្លឹបបិសាចក្រហម Manchester United ត្រូវបានគេរាយការណ៍ថា បានកំណត់គោលដៅលើខ្សែការពារ Ryan Sessegnon របស់ក្លឹបមាន់ខ្នាយមាស Tottenham Hotspur នៅក្នុងទីផ្សារដោះដូរកីឡាករនាខែមករានេះ។ ក្រុមរបស់លោក Erik ten Hag បានជួបបញ្ហានៅតំបន់ការពារស្លាបស្ទើរពេញមួយរដូវកាលទៅហើយ ស្របពេលដែលពេលនេះ Sergio Reguilon ក៏ត្រូវបានត្រឡប់ទៅក្លឹបចាស់វិញនៅសប្តាហ៍នេះផងដែរ។
យ៉ាងណាមិញ សម្រាប់ខ្សែការពារ Ryan Sessegnon គាត់បានជួបបញ្ហារបួសអស់មួយរយៈមកហើយ និងទើបតែបានបង្ហាញខ្លួនជាថ្មីម្ដងទៀត ក្នុងការប្រកួតកាលពីម្សិលមិញនេះដែលជាការប្រកួតក្របខណ្ឌ FA Cup ដែលពួកគេបានយកឈ្នះ Burnley ក្នុងលទ្ធផល 1-0។
ដោយឡែកសម្រាប់ក្លឹបបិសាចក្រហម បន្ទាប់ពីការវិលត្រឡប់របស់ Wan-Bissaka ពួកគេមានខ្សែការពារស្ដាំ និងខ្សែការពារឆ្វេង Diogo Dalot ប៉ុន្តែ Man United មិនមានជម្រើសបម្រុងដែលល្អប្រសើរសម្រាប់ក្រុមឡើយ។ ជាលទ្ធផលយោងតាមរបាយការណ៍ពី The Independent បានអះអាងថា Sessegnon គឺជាគោលដៅសម្រាប់ក្លឹបបិសាចក្រហម ដោយពួកគេចង់នាំយកខ្សែការពារសញ្ជាតិអង់គ្លេសរូបនេះមកបំពេញនៅចំណុចកំពុងខ្វះខាតរបស់ក្រុម។
ប្រភព: Sportsmole
-
បាល់ទាត់អន្តរជាតិ3 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ24 hours ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ3 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!