បាល់ទាត់អន្តរជាតិ
មិនធម្មតា! Arsenal ក៏កំពុងចាប់អារម្មណ៍ចង់ខ្ចីជើងខ្លាចាស់ Karim Benzema ដែរ
ក្លឹបកាំភ្លើងធំ Arsenal ត្រូវបានគេអះអាងថា កំពុងថ្លឹងថ្លែងពិចារណាពីលទ្ធភាពដែលអាចទៅរួចក្នុងការខ្ចីជើងខ្សែប្រយុទ្ធរបស់ក្លឹប Al-Ittihad គឺកីឡាករ Karim Benzema។ គេបានដឹងថា ក្រុមរបស់លោក Mikel Arteta នៅតែមិនទាន់មានភាពមុតស្រួច និងមិនមានជម្រើសច្រើនសម្រាប់កីឡាករដែលលេងជាខ្សែប្រយុទ្ធកណ្ដាល តាំងពីរដូវកាលមុនមកម្ល៉េះ។
ពួកគេបានឈ្នះតែ 1 ប្រកួតប្រកួតប៉ុណ្ណោះ ក្នុងចំណោម 5 ប្រកួតចុងក្រោយក្នុងក្របខ័ណ្ឌ Premier League និងកំពុងឈរនៅចំណាត់ថ្នាក់លេខ 4 ដោយដេញតាមពីក្រោយក្រុមកំពូលតារាង Liverpool រហូតដល់ 5 ពិន្ទុ។ បច្ចុប្បន្នខ្សែប្រយុទ្ធកណ្ដាលដែលមានជម្រើសតែ 2 រវាង Eddie Nketiah និង Gabriel Jesus មិនទាន់មានសមត្ថភាពអាចស៊ុតបញ្ចូលទីបានច្រើនតាមការរំពឹងទុកឡើយ។
កាលពីដើមរដូវកាលនេះ Arsenal បានចំណាយថវិកាច្រើនគួរសម ដែលធ្វើឲ្យពួកគេត្រូវប្រយ័ត្នប្រជែងជាមួយនឹងការល្មើសច្បាប់ FFP។ ថ្វីត្បិតតែបែបនេះក៏ដោយ គេនៅតែត្រូវដោះស្រាយ ដោយនាំយកកីឡាករចំណូលថ្មីម្នាក់ដើម្បីបំពេញនូវចំណុចខ្វះខាតលើតំបន់ប្រយុទ្ធកណ្ដាល។
យោងតាមរបាយការណ៍ពី TEAMtalk បានឲ្យដឹងថា ក្លឹបកាំភ្លើងធំ Arsenal មានចំណាប់អារម្មណ៍ក្នុងចុះហត្ថលេខាខ្ចីជើងរយៈពេលពាក់កណ្ដាលរដូវកាលជាមួយ Benzema នៅខែមករានេះ ដែលវាត្រូវក្លឹបចាស់ទុកថា ជាជម្រើសដ៏ល្អប្រសើរផងដែរ។
ប្រភព: Sportsmole