បាល់ទាត់អន្តរជាតិ
Greenwood យល់ព្រមលើលក្ខខណ្ឌផ្ទេរទៅចូលរួមជាមួយ Barcelona
ក្លឹបអ្នកមានបុណ្យ Barcelona ត្រូវបានគេរាយការណ៍ថា កំពុងឈានដល់កិច្ចព្រមព្រៀងមួយសម្រាប់ការផ្ទេរខ្សែប្រយុទ្ធ Mason Greenwood របស់ក្លឹបបិសាចក្រហម Manchester United ហើយ។ កីឡាករវ័យ 22 ឆ្នាំរូបនេះបានចាកចេញពី Man United កាលពីដើមរដូវកាលនេះ ដើម្បីចូលរួមជាមួយ Getafe ក្នុងលក្ខខណ្ឌខ្ចីជើង ដែលការខ្ចីជើងនោះមានសុពលភាពពេញមួយរដូវកាល។
ទោះជាយ៉ាងណាក៏ដោយ កីឡាករសញ្ជាតិអង់គ្លេសរូបនេះ មានទម្រង់លេងដ៏អស្ចារ្យជាមួយក្លឹប Getafe ដោយស៊ុតបញ្ចូលទីបាន 5 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 4 ដង ក្នុងការបង្ហាញខ្លួនសរុប 19 ប្រកួត។ ដោយឡែកបិសាចក្រហមមានសិទ្ធិនាំយក Greenwood ត្រឡប់ទៅក្លឹបរបស់ខ្លួនវិញ នៅចុងបញ្ចប់នៃរដូវកាល 2023-2024 នេះ ខណៈដែលកុងត្រារបស់គាត់នៅ Old Trafford នៅមានសុពលភាពដល់ឆ្នាំ 2025។
ផ្ទុយមកវិញ របាយការណ៍ជាច្រើនបានអះអាងថា Mason Greenwood មានឱកាសតិចតួចបំផុត ក្នុងការវិលត្រឡប់ទៅបិសាចក្រហម ដែលជាក្លឹបពីកុមារភាពរបស់គាត់ ស្របពេលដែលកីឡាករវ័យ 22 ឆ្នាំរូបនេះ ក៏មិនពេញចិត្តនឹងជម្រើសនៃការត្រឡប់ទៅទឹកដីអង់គ្លេសវិញដូចគ្នា។
ក្លឹប Getafe បានបង្ហាញពីបំណងទិញផ្ដាច់កុងត្រារបស់ Greenwood ប៉ុន្តែពួកគេប្រហែលជាមិនមានដើមទុន និងលក្ខណៈសម្បត្តិគ្រប់គ្រាន់សម្រាប់កីឡាករឆ្នើមរូបនេះឡើយ។ ស្របពេលជាមួយគ្នានេះដែរ Barcelona បានចាប់អារម្មណ៍កាន់តែខ្លាំងពីសមត្ថភាពរបស់ Greenwood ហើយពេលនេះយោងតាមកាសែត The Sun បានឲ្យដឹងថា ក្លឹបយក្សកាតាឡាន់ នឹងចុះហត្ថលេខាលើគាត់បានសម្រេច នៅក្នុងអំឡុងទីផ្សារដោះដូរកីឡាកររដូវក្តៅ ចុងបញ្ចប់នៃរដូវកាលនេះ។ គេបានដឹងថា Mason Greenwood បានប្រាប់ទីប្រឹក្សារបស់ក្លឹប Barcelona ថា គាត់មានក្ដីសុបិនចង់ចូលរួមជាមួយក្លឹបរបស់ពួកគេជាយូរមកហើយ។
ប្រភព: Sportsmole
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
