បាល់ទាត់អន្តរជាតិ
Messi ចង់ឲ្យ Barcelona នាំយកគ្រូបង្វឹកក្រុមជម្រើសជាតិអាហ្សង់ទីនទៅជំនួសកន្លែងរបស់ Xavi
យោងតាមរបាយការណ៍ពី Todofichajes បានឲ្យដឹងថា គ្រូបង្វឹកក្រុមជម្រើសជាតិអាហ្សង់ទីនលោក Lionel Scaloni អាចនឹងទៅដឹកនាំក្លឹប Barcelona បន្ទាប់ពីការចាកចេញរបស់គ្រូបង្វឹកបច្ចុប្បន្នលោក Xavi Hernandez នៅចុងបញ្ចប់នៃរដូវកាលនេះ។
យោងតាមរបាយការណ៍ដដែលនេះដែរបានឲ្យដឹងថា សូម្បីតែកីឡាករឆ្នើម Lionel Messi ផ្ទាល់ក៏បានណែនាំដល់ថ្នាក់ដឹកនាំក្លឹប Barcelona ឲ្យពិចារណាលើបេក្ខភាពលោក Lionel Scaloni ផងដែរ។ សូមរំលឹកថា Xavi បានបញ្ជាក់រួចហើយ ដោយគាត់នឹងចាកចេញពីតំណែងជាគ្រូបង្វឹករបស់ Barcelona នៅពេលចប់រដូវកាលនេះ។ Barcelona កំពុងស្ថិតក្នុងចំណាត់ថ្នាក់លេខ 4 ក្នុងតារាង La Liga។ ពួកគេមានគម្លាត 11 ពិន្ទុតាមពីក្រោយក្រុមកំពូលតារាង Girona។
Lionel Scaloni បានចូលកាន់តំណែងជាគ្រូបង្វឹកក្រុមជម្រើសជាតិអាហ្សង់ទីន ក្នុងខែសីហា ឆ្នាំ 2018។ គាត់បានដឹកនាំក្រុមជម្រើសជាតិឲ្យឈ្នះពានរង្វាន់ Copa America ក្នុងឆ្នាំ 2021, Finalissima និង World Cup នៅក្នុងឆ្នាំ 2022។ លើសពីនេះទៀត Scaloni ក៏បានឈ្នះពានរង្វាន់ជាគ្រូបង្វឹកល្អបំផុតប្រចាំឆ្នាំ 2022 របស់ FIFA ផងដែរ។
ប្រភព: Telecomasia