បាល់ទាត់អន្តរជាតិ
Real Madrid កំពុងតាមដានពីស្ថានភាព និងចង់ចុះហត្ថលេខាលើ Van Dijk
ក្លឹបអធិរាជស Real Madrid ត្រូវបានគេរាយការណ៍ថា កំពុងតាមដានយ៉ាងយកចិត្តទុកដាក់លើស្ថានភាពរបស់ Virgil van Dijk ដោយកីឡាករសញ្ជាតិហូឡង់រូបនេះ កំពុងត្រូវបានគេដឹងថា នឹងចាកចេញបន្ទាប់ពីគ្រូបង្វឹករបស់គាត់លោក Jurgen Klopp ចាកចេញពី Anfield ដែរ។
យ៉ាងណាមិញ Jurgen Klopp បានប្រាប់ឲ្យដឹង កាលពីសប្តាហ៍មុនថា គាត់នឹងឈប់ធ្វើជាគ្រូបង្វឹករបស់ Liverpool ហើយ នៅរដូវក្តៅចុងបញ្ចប់នៃរដូវកាលនេះ។ បន្តពីនោះមក Van Dijk ក៏ត្រូវបានគេរាយការណ៍ថា នឹងបដិសេធលើការបន្តកុតត្រាថ្មី ខណៈដែលកុងត្រាបច្ចុប្បន្នរបស់គាត់នឹងផុតកំណត់នៅចុងរដូវកាលក្រោយ។
ស្របពេលដែលកុងត្រារបស់ខ្សែការពារវ័យ 32 ឆ្នាំរូបនេះ នៅ Anfield ត្រៀមនឹងផុតកំណត់ដែរនោះ យោងតាមរបាយការណ៍ពី Defensa Central បានឲ្យដឹងថា ក្លឹបអធិរាជស Real Madrid កំពុងតាមដានពីស្ថានភាពខ្សែការពារកណ្ដាល Virgil van Dijk បើទោះបីជាលោក Carlo Ancelotti ពេញចិត្តជាមួយនឹងជម្រើសខ្សែការពារកណ្តាលរបស់គាត់បច្ចុប្បន្នក៏ដោយ ប៉ុន្តែក្លឹបមានលទ្ធភាពដែលអាចចុះហត្ថលេខាលើ Van Dijk ដែលជាខ្សែការពារកណ្ដាលដ៏រឹងមាំមួយរូប។
ប្រភព: Sportsmole