បាល់ទាត់អន្តរជាតិ
PSG នឹងចុះហត្ថលេខាផ្ទេរខ្សែប្រយុទ្ធរូបនេះ ប្រសិនបើ Mbappe ចាកចេញ
គ្រូបង្វឹករបស់ក្លឹបយក្សបារាំង Paris Saint-Germain មានបំណងក្នុងការចុះហត្ថលេខាលើខ្សែប្រយុទ្ធរបស់ក្លឹប AC Milan គឺកីឡាករសញ្ជាតិព័រទុយហ្គាល់ Rafael Leao ប្រសិនបើក្នុងករណី Kylian Mbappe ចាកចេញទៅ Real Madrid ចុងបញ្ចប់នៃរដូវកាលខាងមុខ។
នៅប៉ុន្មានថ្ងៃចុងក្រោយនេះ មានសេចក្តីរាយការណ៍ជាច្រើនបានអះអាងថា តារាឆ្នើមសញ្ជាតិបារាំង Kylian Mbappe បានសម្រេចចិត្តលើអនាគតរបស់ខ្លួនរួចហើយ ដោយគាត់នឹងចាកចេញទៅទឹកដីអេស្ប៉ាញនៅដើមរដូវកាលក្រោយ ដោយចូលរួមជាមួយក្រុមរបស់លោក Carlo Ancelotti។
ស្របពេលជាមួយគ្នានេះដែរ យោងតាមប្រភពច្បាស់ការណ៍មួយពីកាសែត Football Italia បានឲ្យដឹងថា ក្លឹបយក្សបារាំង PSG ចង់ចុះហត្ថលេខាលើ Rafael Leao មកជំនួស Mbappe ដោយសារតែអ្នកទាំង 2 មានតំណែងលេងស្រដៀងគ្នា។ សម្រាប់ Rafael Leao ត្រូវបានគេដឹងថា នឹងមានតម្លៃផ្ទេរប្រហែលជា 175 លានអឺរ៉ូ។ ទន្ទឹមនឹងនេះដែរ PSG ក៏មានឱកាសអាចផ្ទេរ Victor Osimhen ដែរ ប៉ុន្តែកីឡាកររបស់ក្លឹប Napoli រូបនេះ មានជំនាញជាខ្សែប្រយុទ្ធកណ្ដាលចំតួ ដែលធ្វើឲ្យ PSG មិនចង់បាន។
ប្រភព: Telecomasia
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo