បាល់ទាត់អន្តរជាតិ
Francesco Calzona តស៊ូពីអ្នកលក់កាហ្វេ រហូតក្លាយទៅជាគ្រូបង្វឹករបស់ក្លឹប Napoli
កាលពីម្សិលមិញ Napoli បានប្រកាសជាផ្លូវការណ៍ពីការលាលែងពីតំណែងជាគ្រូបង្វឹករបស់លោក Walter Mazzarri។ បន្ទាប់ពីនោះមក ពួកគេបានតែងតាំងគ្រូបង្វឹកក្រុមជម្រើសជាតិស្លូវ៉ាគីគឺលោក Francesco Calzona ជាអ្នកជំនួសតំណែង និងដឹកនាំក្លឹបបន្ត។
យ៉ាងណាមិញ Francesco Calzona ដែលជាគ្រូបង្វឹកថ្មីរបស់ Napoli មានប្រវត្តិនៃការតស៊ូដ៏គួរឲ្យស្ងើចសរសើរ ដោយចាប់ផ្ដើមពីអាជីពជាអ្នកលក់កាហ្វេ រហូតក្លាយជាគ្រូបង្វឹកដែលដឹកនាំក្លឹបយក្សមួយរបស់អ៊ីតាលី។ នៅអាយុ 30 ឆ្នាំ Francesco Calzona បានប្រកបអាជីវកម្មលក់កាហ្វេ ហើយក្នុងពេលដំណាលគ្នានោះ គាត់បានធ្វើជាជំនួយការគ្រូបង្វឹកស្ម័គ្រចិត្តឲ្យក្លឹប Tegoleto។
ក្នុងអំឡុងរដូវកាលឆ្នាំ 1999-2000 ក្លឹប Tegoleto បានជ្រើសរើសគ្រូបង្វឹកថ្មី ដោយពេលនោះពួកគេបានតែងតាំងលោក Maurizio Sarri។ ក្នុងអំឡុងពេលនោះ Francesco Calzona បានសម្រេចចិត្តលាលែងពីតំណែងជាគ្រូស្ម័គ្រចិត្ត ប៉ុន្តែស្របពេលជាមួយគ្នា Tegoleto កំពុងស្វែងរកជួលគ្រូជំនួយ ដើម្បីមកធ្វើការជាមួយ Maurizio Sarri។ យ៉ាងណា Francesco Calzona ត្រូវបានក្លឹប Tegoleto តែងតាំងជាជំនួយការពេញសិទ្ធិ ដែលមានប្រាក់ពលកម្មដូចគ្រូជំនួយផ្សេងៗដែរ។
ចាប់តាំងពីពេលនោះមក គាត់បានក្លាយជាជំនួយការគ្រូបង្វឹករបស់ Maurizio Sarri ដែលជាអ្នកប្រឹក្សាយោបល់ដ៏សំខាន់ ហើយបានដើរតាម Maurizio Sarri រហូតដល់ក្លឹប Napoli អំឡុងរដូវកាលឆ្នាំ 2015–2018។ យ៉ាងណានៅឆ្នាំ 2020 គាត់បានផ្លាស់ទៅធ្វើជាគ្រូជំនួយរបស់លោក Eusebio Di Francesco ហើយនៅឆ្នាំបន្ទាប់គាត់ក៏ត្រឡប់ទៅ Napoli វិញ ដើម្បីធ្វើការជាមួយគ្រូបង្វឹកថ្មីលោក Luciano Spalletti។
នៅថ្ងៃទី 30 ខែសីហា ឆ្នាំ 2022 លោក Francesco Calzona ត្រូវបានតែងតាំងជាគ្រូបង្វឹកថ្មីនៃក្រុមជម្រើសជាតិស្លូវ៉ាគី។ នៅថ្ងៃទី 16 ខែវិច្ឆិកា ឆ្នាំ 2023 គាត់បានដឹកនាំក្រុមឲ្យទទួលបានជ័យជំនះដ៏សំខាន់ ដោយបន្ទាប់ពីឈ្នះ 4-2 ជាមួយអ៊ីស្លង់ ពេលនោះក្រុមជម្រើសជាតិស្លូវ៉ាគីរបស់ Calzona មានកៅអីចូលរួមក្នុងព្រឹត្តិការណ៍ UEFA Euro 2024។
យ៉ាងណានៅថ្ងៃទី 19 ខែកុម្ភៈ ឆ្នាំ 2024 ក្លឹប Napoli បានប្រកាសតែងតាំង Calzona ជាគ្រូបង្វឹកថ្មីរបស់ពួកគេសម្រាប់ពាក់កណ្ដាលរដូវកាលដែលនៅសល់ ដោយជំនួសកន្លែងរបស់ Walter Mazzarri។ ដូច្នេះគាត់នឹងដឹកនាំប្រកួតដំបូងនៅ UEFA Champions League វគ្គ 16 ក្រុមចុងក្រោយទល់នឹង Barcelona ស្អែកនេះ។
ប្រភព: Dailysports
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
