បាល់ទាត់អន្តរជាតិ
Real Madrid ត្រៀមសំណើរ 50 លានអឺរ៉ូ ដើម្បីចុះហត្ថលេខាលើ Alphonso Davies
ក្លឹបអធិរាជស Real Madrid ត្រូវបានគេរាយការណ៍ថា បានត្រៀមខ្លួនក្នុងការចំណាយរហូតដល់ទៅ 50 លានអឺរ៉ូ ដើម្បីឲ្យប្រាកដថា ពួកគេអាចនាំយក Alphonso Davies មកទឹកដីអេស្ប៉ាញបាន ខណៈដែលក្លឹបតោខៀវ Chelsea ត្រូវបានគេជឿថា ក៏កំពុងត្រៀមប្រជែងដើម្បីចុះហត្ថលេខាលើកីឡាករឆ្នើមរូបនេះដែរ។
តោខៀវ Chelsea មានការចាប់អារម្មណ៍ខ្លាំងលើខ្សែការពារឆ្វេងដែលមានល្បឿនលឿនរបស់ Bayern Munich រូបនេះ ប៉ុន្តែពួកគេហាក់បីដូចជាមានឱកាសតិចតួចជាង Real Madrid។ លើសពីនេះទៀត ក្រុមរបស់លោក Carlo Ancelotti ត្រូវបានគេដឹងថា បានព្រមព្រៀងលើលក្ខខណ្ឌផ្ទាល់ខ្លួនជាមួយ Alphonso Davies រួចហើយ។
ជាមួយនឹងកុងត្រារបស់ Alphonso Davies ដែលនឹងផុតកំណត់នៅឆ្នាំក្រោយនោះ Bayern Munich កំពុងពិចារណាយ៉ាងខ្លាំងទៅលើអនាគតរបស់កីឡាករវ័យ 23 រូបនេះ បើមិនអាចបន្តកុងត្រាថ្មីជាមួយគាត់បានទេ នោះពួកគេត្រូវតែបង្ខំចិត្តលក់គាត់ចេញ ជាជាងការទុកឲ្យកីឡាករឆ្នើមរូបនេះផុតកុងត្រា ហើយចាកចេញដោយគ្មានតម្លៃខ្លួន។ ក្លឹបយក្សអេស្ប៉ាញ Real Madrid បានត្រៀមសំណើរចន្លោះពី 40 លានអឺរ៉ូ ទៅ 50 លានអឺរ៉ូ ដែលសមល្មមអាចឲ្យ Bayern Munich លក់ Alphonso Davies បាន។
ប្រភព: Sportskeeda
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
