បាល់ទាត់អន្តរជាតិ
Barcelona កំពុងស្ថិតក្នុងស្ថានភាពស្មុគស្មាញ ដែលអាចអស់ឱកាសក្នុងការទិញផ្ដាច់កុងត្រារបស់ Joao Cancelo
ក្លឹបអ្នកមានបុណ្យ Barcelona ពេញចិត្តខ្លាំង ជាមួយនឹងទម្រង់លេងរបស់ខ្សែការពារ Joao Cancelo របស់ Manchester City ដែលបច្ចុប្បន្នកំពុងស្ថិតក្នុងលក្ខខ័ណ្ឌខ្ចីជើងជាមួយពួកគេ។ យ៉ាងណាមិញខ្សែការពារស្ដាំរូបនេះ និងភ្នាក់ងាររបស់គាត់លោក Jorge Mendes ក៏ចង់ស្វែងរកជម្រើសដើម្បីអាចឲ្យគាត់បន្តស្នាក់នៅ Barcelona ទៀតដែរ ប៉ុន្តែស្ថានភាពហាក់ស្មុគស្មាញខ្លាំង។
យោងតាមសារព័ត៌មាន Diario Sport បានឲ្យដឹងថា ដោយសារតែស្ថានភាពផ្នែកសេដ្ឋកិច្ច Barcelona ចង់ខ្ចីជើងកីឡាករសញ្ជាតិព័រទុយហ្គាល់ Joao Cancelo រយៈពេល 1 រដូវកាលទៀត។ ទន្ទឹមនឹងនេះក្លឹប Manchester City បានបដិសេធលើគំនិតនេះ ដោយពួកគេមិនបានពិចារណាលើសេណារីយ៉ូណាផ្សេងទៀតក្រៅពីការលក់ Joao Cancelo នៅរដូវក្តៅឡើយ។
ហេតុដូច្នេះហើយ Barcelona នឹងត្រូវធ្វើការចរចារដ៏លំបាក ដែលភាគច្រើនត្រូវពឹងជាខ្លាំងទៅលើលោក Jorge Mendes ដែលជាភ្នាក់ងារកីឡាករ ដោយគាត់នឹងអាចបញ្ចុះបញ្ចូល Man City ឲ្យ Cancelon របស់គាត់ខ្ចីជើងបន្តនៅ Barcelona មួយរដូវកាលទៀត មុននឹងសម្រេចទិញផ្ដាច់កុងត្រា។ តម្លៃទិញផ្ដាច់កុងត្រារបស់ខ្សែការពារឆ្នើមរូបនេះប្រហែល 40 លានអឺរ៉ូ តែទោះជាតម្លៃប៉ុណ្ណេះក៏ដោយ Barcelona មិនអាចមានលទ្ធភាពឡើយ។
ប្រភព: Dailysports
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ2 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!