បាល់ទាត់អន្តរជាតិ
Roy Keane ជឿជាក់ថា Ollie Watkins នឹងប្ដូរទៅលេងឲ្យក្លឹបធំណាមួយនាពេលឆាប់ៗខាងមុខ
ខ្សែប្រយុទ្ធ Ollie Watkins របស់ Aston Villa អាចនឹងផ្លាស់ទៅលេងឲ្យក្លឹបធំណាមួយនាពេលឆាប់ៗខាងមុខ ដែលអាចជា Manchester United រឺ Liverpool នេះបើយោងតាមការលើកឡើងរបស់លោក Roy Keane ដែលជាអតីតជំនួយការគ្រូបង្វឹករបស់ក្លឹប Aston Villa។
យ៉ាងណាមិញ Ollie Watkins ជាខ្សែប្រយុទ្ធសញ្ជាតិអង់គ្លេសដែលកំពុងមានរដូវកាលដ៏លេចធ្លោររបស់ខ្លួនជាមួយ Aston Villa ដោយនៅរដូវកាលនេះគាត់បានស៊ុតបញ្ចូលទីបាន 16 គ្រាប់ និង 10 Assists ក្នុងការបង្ហាញខ្លួន 27 ប្រកួតនៅ Premier League ហើយត្រូវបានគេរំពឹងថា គាត់នឹងចាកចេញពីក្លឹបបច្ចុប្បន្នរបស់ខ្លួនដើម្បីស្វែងរកទ្រនំថ្មីដែលមានឱកាសប្រជែងពានធំៗបាន។
ដោយមើលឃើញបែបនេះដែរ Roy Keane ជឿថា ខ្សែប្រយុទ្ធវ័យ 28 ឆ្នាំរូបនេះ នឹងមានឱកាសលេងឲ្យក្លឹបធំណាមួយនាពេលខាងមុខ។ Roy Keane បាននិយាយនៅលើ Sky Sports ថា៖ “គាត់អាចលេងឲ្យក្លឹបកំពូលណាមួយមែនទេ? Aston Villa គឺជាក្រុមកំពូលមួយ ប៉ុន្តែយើងកំពុងនិយាយអំពីក្លឹបធំៗដូចជា Manchester United, Liverpool, Manchester City… ក្មេងប្រុសរូបនេះ (Ollie Watkins) មានទម្រង់លេងមុតស្រួច កាយសម្បទា និងចលនារបស់គាត់គឺល្អដូចខ្សែប្រយុទ្ធផ្សេងទៀតនៅ Premier League។ គាត់កំពុងមានរដូវកាលដ៏អស្ចារ្យមួយ”។
ប្រភព: Metro UK
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo