បាល់ទាត់អន្តរជាតិ
Neymar អាចនឹងត្រឡប់ទៅអតីតក្លឹបចាស់របស់ខ្លួនមួយនេះវិញ
បច្ចុប្បន្ន Neymar Jr កំពុងតែព្យាយាមធ្វើឲ្យជាសះស្បើយពីរបួសសរសៃពួររបស់គាត់ដែលបានកើតឡើងកាលពីឆ្នាំមុន។ ស្របពេលជាមួយគ្នានោះ គេមិនដឹងថា អនាគតរបស់គាត់នឹងទៅជាយ៉ាងណាឡើយ ខណៈដែលកីឡាករសញ្ជាតិប្រេស៊ីលរូបនេះហាក់ដូចជាមិនស្ថិតក្នុងកម្រិតនៃការលេងបាល់ទាត់អាជីពនៅលីគកំពូលដែលមានការប្រកួតប្រជែងខ្លាំង។
យ៉ាងណាមិញ Neymar Jr នៅមានកុងត្រាជាមួយក្លឹបនៅអារ៉ាប៊ីសាអូឌីត Al-Hilal ដល់ឆ្នាំ 2025 ប៉ុណ្ណោះ ហើយគាត់កំពុងត្រូវបានគេផ្សារភ្ជាប់ជាមួយនឹងការផ្ទេរទៅលេងនៅក្លឹបជាច្រើន រួមទាំងក្លឹបនៅស្រុកកំណើតរបស់គាត់ផងដែរ ពេលដែលខ្សែប្រយុទ្ធឆ្នើមរូបនេះផុតកុងត្រាជាមួយ Al-Hilal។
Neymar បានបោះជំហានលេចធ្លោរខ្លាំងក្នុងពិភពបាល់ទាត់ដោយដំបូងឡើយគាត់លេងឲ្យក្លឹបនៅស្រុកកំណើតរបស់ខ្លួនគឺក្លឹប Santos។ កីឡាករវ័យ 32 ឆ្នាំរូបនេះ ត្រូវបានគេអះអាងថា នឹងត្រឡប់ទៅលេងនៅក្លឹបមួយនេះវិញ មុននឹងចូលនិវត្តន៍។ ស្របពេលជាមួយគ្នានេះដែរ ប្រធានក្លឹប Santos លោក Marcel Teixeira ក៏បង្ហាញចេតនាចង់ឲ្យ Neymar ត្រឡប់ទៅវិញដែរ ស្របពេលដែលថ្មីៗនេះគាត់បានលើកឡើងថា៖ “គាត់ (Neymar) នៅតែមានទំនាក់ទំនងនៃការដឹងគុណ និងការគោរពជាមួយពួកយើង។ ខ្ញុំគិតថាការវិលត្រឡប់របស់ Neymar ទៅប្រេស៊ីលគឺជៀសមិនរួច ប៉ុន្តែពេលនេះខ្ញុំមិនទាន់អាចមើលឃើញទេ ក្នុងចេតនារបស់គាត់សម្រាប់ការត្រឡប់មកទីនេះវិញ”។
ប្រភព: Dailysports
Erling Haaland ស៊ុត 4 គ្រាប់ម្នាក់ឯង ក្នុងជំនួបទល់នឹង Wolverhampton (មានវីដេអូ)
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
Thiago Silva សម្រេចចិត្តវិលត្រឡប់ទៅលេងនៅប្រទេសកំណើតរបស់ខ្លួនវិញ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
