បាល់ទាត់អន្តរជាតិ
Real Madrid បង្ហើបឲ្យដឹងពីតម្លៃលក់ខ្សែប្រយុទ្ធស្លាប Brahim Diaz
ខ្សែប្រយុទ្ធស្លាប Brahim Diaz របស់ក្លឹប Real Madrid កំពុងទាក់ទាញចំណាប់អារម្មណ៍ពីក្លឹបកំពូលៗជាច្រើន។ បើទោះបីជា គាត់មិនមែនជាជម្រើសដំបូង រឺជាកីឡាករសំខាន់របស់ក្លឹបប៉ុន្តែកីឡាករឆ្នើមរូបនេះ នៅតែមានទម្រង់លេងដ៏លេចធ្លោរ ខណៈដែលរដូវកាលនេះគាត់ស៊ុតបញ្ចូលទីបាន 8 គ្រាប់ និង Assists បាន 4 ដងផងដែរ។
នៅរដូវកាលក្រោយ ក្រុមរបស់លោក Carlo Ancelotti នឹងទទួលបានបេក្ខភាពខ្សែប្រយុទ្ធថ្មីដែលមានគុណភាពម្នាក់ទៀតហើយគឺ Kylian Mbappe។ ស្របពេលជាមួយគ្នានោះ ឱកាសចូលលេងរបស់ Brahim Diaz នឹងកាន់តែចង្អៀត ប្រសិនបើគាត់បន្តនៅជាមួយក្លឹបបច្ចុប្បន្នរបស់ខ្លួន។
ក្លឹបអេស្ប៉ាញ Real Madrid មិនមានចេតនា រឺបង្ខំចិត្តលក់ Brahim Diaz នោះទេ ប៉ុន្តែបើយោងតាមរបាយការណ៍ពី Diario Sport បានឲ្យដឹងថា នឹងមានសំណើរពីក្លឹបមួយចំនួននៅរដូវកាលក្ដៅខាងមុខ ដើម្បីទិញយកខ្សែប្រយុទ្ធវ័យ 24 ឆ្នាំរូបនេះ។ យ៉ាងណាប្រសិនបើ Brahim Diaz មិនមានបំណងចង់ចាកចេញពី Real Madrid ទេ ពួកគេក៏នឹងមិនលក់គាត់ដែរ។
ប៉ុន្តែប្រសិនបើកីឡាករសញ្ជាតិម៉ារ៉ុករូបនេះ ចង់ចាកចេញ នោះ Real Madrid នឹងអនុញ្ញាតឲ្យគាត់ចាកចេញ ក្នុងតម្លៃទិញផ្ដាច់កុងត្រាយ៉ាងហោចណាស់ 60 លានអឺរ៉ូ។ លក្ខខណ្ឌនៃតម្លៃដែល Real Madrid ចង់បានប៉ុណ្ណេះ ត្រូវបានគេដឹងថា នឹងមានក្លឹបជាច្រើនចង់បាន Brahim Diaz ហើយគាត់ផ្ទាល់ក៏អាចនឹងចាកចេញ ព្រោះខ្លួនជាកីឡាករម្នាក់ដែលមានប្រាក់ខែតិចផងដែរ។
ប្រភព: Dailysports
Barcelona កំណត់គោលដៅត្រៀមចុះហត្ថលេខាលើ Darwin Nunez ដើម្បីមកជំនួសកន្លែងរបស់ Lewandowski
តើ Real Madrid ឈ្នះពានលីកកំពូលរបស់អេស្ប៉ាញ (La Liga) បានប៉ុន្មានដងហើយ? ក្លឹបណា ដែលមានកំណត់ត្រាឈ្នះពាននេះច្រើនជាងគេ?
Messi បង្កើតកំណត់ត្រាថ្មីនៅលីគកំពូលអាមេរិក MLS
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
