បាល់ទាត់អន្តរជាតិ
Vinicius ស៊ុតមួយគ្រាប់នាំ Real Madrid ឈ្នះពាន UCL ជាលើកទី 14
នៅទីបំផុតក្លឹបស្ដេចស Real Madrid បានក្លាយជាម្ចាស់ជើងឯកក្របខណ្ឌកំពូលនៃតំបន់អ៊ឺរ៉ុប UEFA Champions League សម្រាប់ឆ្នាំ 2022 នេះ ក្រោយបំបាក់ក្រុមខ្លាំងមកពីអង់គ្លេស គឺក្លឹបហង្សក្រហម Liverpool។
ការឈ្នះពានលើកនេះ គឺជាការឈ្នះពាន UEFA Champions League លើកទី 14 របស់ក្លឹប Real Madrid ហើយជាការបរាជ័យមិនអាចសងសឹកបានរបស់ក្លឹបហង្សក្រហម Liverpool ផងដែរ ដែលពួកគេធ្លាប់ចាញ់ Real Madrid កាលពីឆ្នាំ 2018 ក្នុងលទ្ធផល 3 ទល់នឹង 1។
ដំណើរការនៃការប្រកួតដ៏តានតឹង បានបញ្ចប់ដោយលទ្ធផលជាមួយនឹងគ្រាប់បាល់កើតឡើងត្រឹមតែមួយគ្រាប់ប៉ុណ្ណោះ ដែលជាការស៊ុតបញ្ចូលទីដោយតារាឆ្នើមសញ្ជាតិប្រេស៊ីល Vinicius Jr នៅនាទីទី 59 បូកផ្សំជាមួយនឹងការបញ្ចូលបាល់ដ៏ល្អរបស់ខ្សែបម្រើ Federico Valverde។
មួយគ្រាប់ដ៏សំខាន់របស់ Vinicius គឺជាគ្រាប់បាល់ដែលនាំឲ្យក្រុមបានលើកពាន ប៉ុន្តែចំណែកដ៏ធំមួយផ្សេងទៀត កើតចេញពីអ្នកចាំទី Thibaut Courtois ដែលបានរារាំងគ្រាប់បាល់ជាច្រើនពីការស៊ុតបញ្ចូលទីរបស់គូប្រកួត។ ចំនួនស៊ុតរបស់ Liverpool មានរហូតដល់ទៅ 24 ដង និងចំគោលដៅ 9 ដង ខណៈដែល Real Madrid មានការស៊ុតសរុបត្រឹមតែ 4 ដង និងចំគោលដៅ 2 ដងប៉ុណ្ណោះ។
ទស្សនាវីដេអូហាយឡាយការប្រកួតខាងក្រោម។
ប្រភព: 90 Min
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
