បាល់ទាត់អន្តរជាតិ
Felipe Anderson បដិសេធមិនចូលរួមជាមួយ Juventus ដើម្បីត្រឡប់ទៅលេងនៅប្រទេសកំណើតរបស់ខ្លួនវិញ!!!
ខ្សែបម្រើប្រយុទ្ធ Felipe Anderson របស់ក្លឹប Lazio បានច្រានចោលសំណើររបស់ក្លឹបសេះបង្កង់ Juventus ហើយសម្រេចចិត្តត្រឡប់លេងនៅប្រទេសកំណើតរបស់ខ្លួនវិញ។ យ៉ាងណាមិញ ពេលនេះ Felipe Anderson ត្រូវបានក្លឹបបាល់ទាត់ប្រេស៊ីល Palmeiras ប្រកាសជាផ្លូវការណ៍ហើយថា គាត់នឹងចូលរួមជាមួយពួកគេនៅរដូវក្ដៅនេះ។
ដោយឡែក Felipe Anderson បានចូលរួមជាមួយ Palmeiras ក្នុងនាមជាកីឡាករដែលគ្មានតម្លៃខ្លួន ព្រោះគាត់បានផុតកុងត្រាជាមួយ Lazio ហើយ។ សម្រាប់ការចូលរួមជាមួយក្លឹបថ្មី Palmeiras គេមិនបានដឹងថា តើគាត់នឹងចុះកុងត្រារយៈពេលប៉ុន្មានឆ្នាំនោះឡើយ។
ដោយឡែកក្លឹប Juventus ធ្លាប់បានផ្តល់សំណើរដល់ខ្សែបម្រើវ័យ 31 ឆ្នាំរូបនេះនូវកុងត្រារយៈពេល 3 ឆ្នាំ ប៉ុន្តែគាត់បានបដិសេធដោយសារតែស្ថានភាពគ្រួសារ។ ក្នុងរដូវកាលនេះ Felipe Anderson បានលេង 44 ប្រកួតឲ្យ Lazio ដោយស៊ុតបញ្ចូលទីបាន 5 គ្រាប់ និងបញ្ជូនបាល់ឲ្យមិត្តរួមក្រុមបាន 7 ដង។
ប្រភព: Dailysports
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ2 days ago
Pep Guardiola កំពុងពិចារណាលើអនាគតរបស់ Joao Cancelo