បាល់ទាត់អន្តរជាតិ
មានក្លឹបជាច្រើនចង់បាន តែ Nacho អាចនឹងសម្រេចចិត្តទៅលេងនៅអាមេរិក
របាយការណ៍កាលពីម្សិលមិញនេះបានឲ្យដឹងថា ខ្សែការពារ Nacho Fernandez នឹងសម្រេចចិត្តចាកចេញពីក្លឹបបច្ចុប្បន្នរបស់ខ្លួននៅចុងបញ្ចប់នៃរដូវកាលនេះហើយ ខណៈដែលកុងត្រារបស់គាត់ក៏នឹងផុតកំណត់ដូចគ្នា។ ទន្ទឹមនឹងនេះដែរ មានក្លឹបជាច្រើនពិសេស Inter Milan បានចាប់អារម្មណ៍លើកីឡាករដែលគ្មានតម្លៃខ្លួនរូបនេះ។
មានពាក្យចចាមអារ៉ាមជាច្រើនពាក់ព័ន្ធនឹងជម្រើសនៃក្លឹបដែល Nacho Fernandez អាចនឹងចូលរួមជាមួយ ហើយបើយោងតាមរបាយការណ៍ពី Marca បានអះអាងថា មានក្លឹបនៅអារ៉ាប៊ីសាអូឌីត ត្រៀមនឹងចរចាផ្ទេរខ្សែការពារឆ្នើមរូបនេះ។ ទោះជាយ៉ាងណាក៏ដោយ អ្នកវិភាគបានគិតថា កីឡាករអេស្ប៉ាញរូបនេះ មិនមែនជាមនុស្សដែលសម្លឹងមើលការចង់បានប្រាក់ជាធំនោះទេ ដូច្នេះហើយគាត់មិនពិចារណាជម្រើសនៅមជ្ឈឹមបូព៌ាឡើយ។
ផ្ទុយមកវិញ គេជឿថា ការចង់ចំណាយពេលចុងក្រោយនៃអាជីពបាល់ទាត់របស់ខ្លួន Nacho Fernandez អាចនឹងជ្រើសរើស ដោយការទៅលេងនៅទឹកដីអាមេរិក MLS។ គេបានដឹងថា កីឡាករចាស់វស្សារបស់ Real Madrid រូបនេះ មិនចង់បន្តអាជីពនៅអេស្ប៉ាញទេ ដោយសារគាត់មិនចង់លេងតទល់គ្នាជាមួយក្លឹបដែលគាត់ស្រឡាញ់ សូម្បីតែការទៅលេងនៅ Inter Milan ក៏គាត់មិនចង់ដែរ ព្រោះនៅតែអាចមានឱកាសជួបជាមួយអតីតក្លឹប Real Madrid របស់ខ្លួន។
ប្រភព: Dailysports
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
