បាល់ទាត់អន្តរជាតិ
Real Madrid កំពុងពិចារណាលក់ខ្សែប្រយុទ្ធសញ្ជាតិប្រេស៊ីល Rodrygo
មានភាគរយខ្ពស់បំផុតដែលខ្សែប្រយុទ្ធសញ្ជាតិប្រេស៊ីល Rodrygo អាចនឹងចាកចេញពីក្លឹប Real Madrid ក្នុងអំឡុងទីផ្សារដោះដូរកីឡាករនារដូវក្ដៅនេះ។ យោងតាមសារព័ត៌មាន Diario Sport បានឲ្យដឹងថា ក្លឹបអធិរាជស Real Madrid បានបើកចិត្តក្នុងការលក់ Rodrygo ដែលខុសកាលពីមុនពួកគេធ្លាប់បដិសេធសំណើរពី Liverpool និង Manchester City។
ក្លឹបយក្សអេស្ប៉ាញមួយនេះ ត្រូវបានគេរាយការណ៍ថា មិនសប្បាយចិត្តនឹង Rodrygo ដែលបានលើកសរសើរពីក្លឹប Manchester City មួយសប្តាហ៍ មុនពេលប្រកួតវគ្គផ្តាច់ព្រ័ត្រ UEFA Champions League ទល់នឹង Borussia Dortmund ដោយពួកគេចាត់ទុកវាជាសញ្ញាបង្ហាញពីចំណាប់អារម្មណ៍របស់គាត់ ក្នុងការផ្លាស់ទៅប្រទេសអង់គ្លេស។
ប្រភពដដែលនេះដែរបានបញ្ជាក់ថា Real Madrid ពិតជាចង់ចែកផ្លូវគ្នាជាមួយ Rodrygo ប្រសិនបើមានការដាក់សំណើរដេញថ្លៃយ៉ាងហោចណាស់ 120 លានអឺរ៉ូ។ ទន្ទឹមនឹងនេះដែរ Rodrygo ខ្លួនឯងផ្ទាល់ ក៏មានការព្រួយបារម្ភអំពីការបាត់បង់តំណែងជាជម្រើសដំបូងរបស់ក្រុមផងដែរ បន្ទាប់ពីការមកដល់របស់ Kylian Mbappe និងកីឡាករដែលមានទេពកោសល្យវ័យ 17 ឆ្នាំ Endrick។
ប្រភព: Dailysports
Michael Olise នឹងចាកចេញពីប្រទេសអង់គ្លេស ដើម្បីចូលរួមជាមួយ Bayern Munich
Harry Kane ឆ្លើយតបទៅកាន់អ្នករិះគន់ក្រុមជម្រើសជាតិអង់គ្លេសនៅ Euro 2024
Lamine Yamal អាចនឹងខកខានការប្រកួតក្រោយ ទល់នឹងអាល់បានី ដោយសារអត់គ្រប់អាយុ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
