បាល់ទាត់អន្តរជាតិ
ក្លឹប Premier League ចំនួន 2 កំពុងចាប់អារម្មណ៍ចង់ចុះហត្ថលេខាលើ Matias Soule
ក្លឹបនៅក្នុងក្របខណ្ឌ Premier League ចំនួន 2 បានចាប់អារម្មណ៍លើខ្សែប្រយុទ្ធស្លាបរបស់ក្លឹបសេះបង្កង់ Juventus គឺកីឡាករ Matias Soule។ យោងតាមអ្នកកាសែតបាល់ទាត់អ៊ីតាលី Nicolo Schira បានឲ្យដឹងថា ក្លឹបអង់គ្លេសដែលចង់បានកីឡាករសញ្ជាតិអាហ្សង់ទីនរូបនេះ គឺ West Ham និង Leicester City។
យ៉ាងណាមិញ Matias Soule មានវ័យទើបតែ 21 ឆ្នាំ បានចំណាយពេលពេញមួយរដូវកាលក្នុងការខ្ចីជើងនៅក្លឹប Frosinone ដោយស៊ុតបញ្ចូលទីបាន 11 គ្រាប់ និងបញ្ជូនបាល់ឲ្យមិត្តរួមក្រុមបានចំនួន 3 ដង ក្នុងការបង្ហាញខ្លួនសរុប 39 ប្រកួត។ ខ្សែប្រយុទ្ធឆ្នើមរូបនេះក៏ជាសមាជិកនៃក្រុមជម្រើសជាតិ U23 អាហ្សង់ទីនផងដែរ ដោយលេងបាន 1 ប្រកួត និងស៊ុតបាន 1 គ្រាប់។
ផ្អែកតាមវេបសាយ Transfermarkt បានវាយតម្លៃទីផ្សារនៃការផ្ទេរកីឡាករឆ្នើមរូបនេះប្រមាណជា 25 លានអឺរ៉ូ។ Matias Soule ជាខ្សែប្រយុទ្ធដែលត្រូវបានគេមើលឃើញថា នឹងមានអនាគតដ៏ភ្លឺស្វាង និងអាចក្លាយជាតារាឆ្នើមមួយរូបក្នុងពិភពបាល់ទាត់។
ប្រភព: Dailysports
-
បាល់ទាត់អន្តរជាតិ3 days ago
រឿងរ៉ាវប្លែកៗ និងគួរឲ្យចាប់អារម្មណ៍មួយចំនួនដែលអ្នកមិនធ្លាប់ដឹងពី Jack Grealish
-
បាល់ទាត់អន្តរជាតិ4 days ago
ក្លឹបជាច្រើនកំពុងតម្រង់ជួរគ្នាដើម្បីរងចាំការដេញថ្លៃលើ Xavi Simons
-
បាល់ទាត់អន្តរជាតិ4 days ago
ក្លឹបធំៗ 2 ចាប់អារម្មណ៍ចង់បានខ្សែប្រយុទ្ធវ័យក្មេងរបស់ Barcelona