បាល់ទាត់អន្តរជាតិ
Van Basten វែកញ៉ែកកីឡាករល្អបំផុតរវាង Lionel Messi និង Cristiano Ronaldo
អតីតអ្នកចាត់ការទូទៅសញ្ជាតិហូឡង់ Marco van Basten បានលើកឡើងថា Lionel Messi របស់ក្លឹប Paris Saint-Germain គឺជាកីឡាករល្អជាង បើធៀបនឹង Cristiano Ronaldo របស់ Manchester United។
Van Basten បានលើកឡើងថា អ្នកណាដែលគិតថា Ronaldo ល្អជាង Messi អ្នកនោះមិនដឹងអ្វីទាំងអស់អំពីបាល់ទាត់ ហើយមិនមាននរណាម្នាក់អាចយកតម្រាប់តាម Lionel Messi ដែលជាកីឡាករអាហ្សង់ទីនបានឡើយ។
យ៉ាងណាមិញ Messi និង Ronaldo ត្រូវបានគេប្រៀបធៀបអស់រយៈពេលជាច្រើនឆ្នាំមកហើយ ក្នុងការជជែកដេញដោលគ្នាថា តើនរណាជាកីឡាករល្អបំផុតក្នុងពិភពលោក ខណៈពួកគេទាំងពីរ កំពុងស្ថិតក្នុងកន្លែងមួយដែលកីឡាករបាល់ទាត់ជំនាន់ក្រោយៗមិនងាយទៅដល់។
ដោយឡែកលោក Van Basten បានបញ្ជាក់យ៉ាងច្បាស់ពីទស្សនៈរបស់គាត់លើការជជែកដេញដោយដែលមិនចេះចប់មិនចេះហើយរវាង Messi និង Ronaldo នេះដែរ។ Van Basten បានប្រាប់កាសែត Corriere dello Sport ថា “Cristiano Ronaldo គឺជាកីឡាករដ៏អស្ចារ្យ ប៉ុន្តែអ្នកដែលនិយាយថាគាត់ល្អជាង Messi គឺជាមនុស្សដែលមិនដឹងអ្វីអំពីបាល់ទាត់ រឺពួកគេនិយាយដោយការស្អប់ប៉ុណ្ណោះ”។
គាត់បានបន្ថែមថា “Messi គឺជាកីឡាករមួយប្រភេទ មិនអាចធ្វើត្រាប់តាម និងមិនអាចកើតមានម្នាក់ទៀតឡើយ។ កីឡាករដូចគាត់ អាចមានមួយ ក្នុងចន្លោះ 50 រឺ 100 ឆ្នាំ។ គាត់បានក្លាយជាកីឡាករបាល់ទាត់ដ៏អស្ចារ្យរួចទៅហើយ តាំងពីគាត់នៅក្មេងម្ល៉េះ”។
ប្រភព: Dailypost
ហេតុផលទាំង 4 ដែល FIFA មិនអនុញ្ញាតឱ្យកីឡាករមានក្លឹបច្រើននៅក្នុងដៃ
Manchester United កំពុងពិចារណាយកអ្នកចាំទីម្នាក់តម្លៃ ៧៥លានអឺរ៉ូ មកជំនួសកន្លែង Onana
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
