Hugo Lloris ត្រូវ​បាន​ដកឈ្មោះ​ចេញ​ពី​ក្រុម​ជម្រើស​ជាតិ​បារាំង

ប្រធាន​ក្រុម​ជម្រើស​ជាតិ​បារាំង Hugo Lloris បាន​ដកខ្លួន​ចេញ​ពី​ជម្រើស​ជាតិ​ដែល​ដឹកនាំ​ដោយលោក Didier Deschamps សម្រាប់​​ការ​ប្រកួត​នៅ​ខែ​កញ្ញា​ខាង​មុខ​នេះ ដោយ​សារ​របួស។ បច្ចុប្បន្ន​ស្ថានភាព​របស់ Hugo Lloris កំពុង​ប្រឈម​មុខ​នឹង​ការ​ខនខាន​ប្រកួត​ធំ London Derby ជាមួយ​ក្លឹប​កាំភ្លើងធំ Arsenal នៅ​ថ្ងៃ​ទី 1 ខែ​ក្រោយ​នេះ​ផង​ដែរ។

កីឡាករ​វ័យ 35 ឆ្នាំ​រូបនេះ​ត្រូវ​បាន​គេ​ជឿ​ថា បាន​រងរបួស​ភ្លៅ​ក្នុង​ការ​ប្រកួត​ដែល Tottenham Hotspur ទទួល​បាន​ជ័យ​ជម្នះ 6-2 ទៅ​លើ​ក្រុម Leicester City កាល​ពី​ល្ងាច​ថ្ងៃសៅរ៍​ប៉ុន្មាន​ថ្ងៃ​មុន​នេះ។ ដូចគ្នា​នេះ​ដែរ អ្នក​ចាំទី​ដៃ​ទីមួយ​រូប​នេះ​នឹង​ខកខាន​ការ​ប្រកួត​ក្របខណ្ឌ Nations League របស់​ក្រុម​ជម្រើស​ជាតិ​បារាំង​នៅ​ថ្ងៃ​ទី 23 ខែ​នេះ។

របួស​របស់ Hugo Lloris លើក​នេះ​កើត​ឡើង​ក្នុង​កំឡុង​ពេល​​ដ៏អាក្រក់​ទាំង​សម្រាប់​ក្រុម​ជម្រើស​ជាតិ និង​​សម្រាប់​ក្លឹប។ ជាមួយ​នឹង​ការ​ដក​ឈ្មោះ​ចេញ​របស់ Hugo Lloris ក្រុម​ជម្រើស​ជាតិ​បារាំង​បាន​កោះហៅ​​កីឡាករ​វ័យ 23 ឆ្នាំ Alban Lafont ដែល​បច្ចុប្បន្ន​ជា​កីឡាករ​ដែល​លេង​នៅ​ក្លឹប Nantes ហើយ​សម្រាប់​អ្នក​ចាទី​ដៃ​ទីមួយ​នៅ​ក្នុង​ក្រុម​ប្រហែល​ជា​ជំនួស​​ដោយ​កីឡាករ Mike Maignan របស់ AC Milan។

ប្រភព: 90 Min