បាល់ទាត់អន្តរជាតិ
Newcastle ពិចារណាផ្ទេរ Hugo Lloris នៅខែមករា ដើមឆ្នាំក្រោយ
ក្លឹប Newcastle United ត្រូវបានគេរាយការណ៍ថា កំពុងពិចារណាលើលទ្ធភាពនៃការចុះហត្ថលេខាលើអ្នកចាំទីរបស់ក្លឹបមាន់ខ្នាយមាស Tottenham Hotspur គឺកីឡាករ Hugo Lloris នៅខែមករាខាងមុខ។ បច្ចុប្បន្ន Newcastle United មិនមានអ្នកចាំទីជម្រើសដំបូងឡើយ ខណៈដែល Nick Pope បានរងរបួសត្រូវសម្រាកពីលើទីលានរយៈពេលប្រហែល 4 ខែ។
កីឡាករសញ្ជាតិអង់គ្លេស Nick Pope បានទទួលការវះកាត់របួសរបស់ខ្លួន ស្របពេលដែល Martin Dubravka បានក្លាយជាអ្នកចាំទីសំខាន់របស់ក្រុម។ កីឡាករសញ្ជាតិស្លូវ៉ាគីរូបនេះ នឹងត្រូវបាន Newcastle ប្រើប្រាស់រហូតដល់ពួកគេអាចស្វែងរកបេក្ខភាពអ្នកចាំទីចំណូលថ្មី ខណៈដែល Loris Karius និង Mark Gillespie ស្ថិតក្នុងបញ្ជីនៃការលក់ចេញរបស់ក្លឹប។
បន្ទាប់ពី Nick Pope របួសមក Newcastle ត្រូវបានគេផ្សារភ្ជាប់ជាមួយនឹងការចង់បានអ្នកចាំទីឆ្នើមៗមួយចំនួន ដែលក្នុងនោះមាន David de Gea ដែលជាអតីតអ្នកចាំទីរបស់ក្លឹបបិសាចក្រហមផងដែរ។ ដោយឡែកនៅពេលនេះ យោងទៅតាមរបាយការណ៍ពី The Mirror បានឲ្យដឹងថា Newcastle កំពុងត្រៀមពិភាក្សារជាមួយ Hugo Lloris។
អតីតអ្នកចាំទីដែលធ្លាប់ឈ្នះពាន World Cup ជាមួយក្រុមជម្រើសជាតិបារាំងរូបនេះ បច្ចុប្បន្នក៏កំពុងចង់ចាកចេញពីក្រុមរបស់លោក Ange Postecoglou ផងដែរ ព្រោះក្លឹបបានសម្រេចចិត្តប្រើប្រាស់អ្នកចាំទីដៃទីមួយ Guglielmo Vicario ហើយ Hugo Lloris បានបាត់បង់ឱកាសបង្ហាញសមត្ថភាពស្ទើរតែទាំងស្រុងនៅរដូវកាលនេះ។
ប្រភព: Sportsmole
-
បាល់ទាត់អន្តរជាតិ3 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ3 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ3 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!